ބީއެމްއެލުން ދާރުލްއާސާރު އިތުރަށް ތަރައްގީކޮށްދީފި
ދާރުލްއާސާރަށް ވަންނަ ފަރާތްތަކަށް ދިވެހީންގެ ތާރީހާ ގުޅޭ ވީޑިއޯ ޕްރެޒެންޓޭޝަންތައް ދިނުމަށާއި، ދަރިވަރުންނަށް މައުލޫމާތު ސެޝަންތައް ހިންގުމަށް ހާއްސަ މަލްޓިމީޑިއާ ރޫމެއްވެސް ގާއިމްކޮށްދީފައި ވެއެވެ.
- ރާއްޖޭގެ ފުރަތަމަ އޭޓީއެމް ދާރުލްއާސާރަށް
ދިވެހި ގައުމީ ބޭންކް، ބީއެމްއެލްގެ އެހީގައި ގައުމީ ދާރުލްއާސާރު އަލުން ތަރައްގީކޮށް އާންމުންނަށް ހުޅުވާލަން ނިންމައިފި އެވެ.
މި މަސައްކަތަކީ ބީއެމްއެލްގެ 40 ވަނަ އަހަރީ ދުވަހާ ގުޅިގެން ހިންގި މުޖުތަމައަށް ފައިދާހުރި 12 ހަރަކާތުގެ ތެރެއިން އެއް ހަރަކާތެވެ. ބީއެމްއެލް އިން ވަނީ މި ޕްރޮޖެކްޓް ހިންގުމަށް ދެ މިލިއަން ރުފިޔާގެ ހިލޭ އެހީދީފަ އެވެ.
ދާރުލްއާސާރު ތަރއްގީ ކުރަން ހިންގި ޕްރޮޖެކްޓްގެ ދަށުން ބީއެމްއެލްގެ އެހީގައި ދާރުލްއާސާރުގައި ކުރިން ބަހައްޓާފައިނުވާ އާސާރީތަކެތި ރައްކާތެރިކޮށް ބެލެހެއްޓުމާއި އެ ތަކެތި ޑިސްޕްލޭ ކުރާނެ އެވެ.
އަދި ސްކޫލް ދަރިވަރުންނާއި ދާރުލްއާސާރަށް ވަންނަ ފަރާތްތަކަށް ދިވެހީންގެ ތާރީހާ ގުޅޭ ވީޑިއޯ ޕްރެޒެންޓޭޝަންތައް ދިނުމަށާއި، ދަރިވަރުންނަށް މައުލޫމާތު ސެޝަންތައް ހިންގުމަށް ހާއްސަ މަލްޓިމީޑިއާ ރޫމެއްވެސް ގާއިމްކޮށްދީފައި ވެއެވެ.
ރާއްޖޭގައި އެންމެ ފުރަތަމަ ބެހެއްޓި އޭޓީއެމްވެސް ވަނީ ދާރުލްއާސާރުގައި ބަހައްޓާފަ އެވެ.
ކޮމެންޓް
Republic of Maldives