ހަންގޭރީއަށް ކިޔަވަން ދާ 25 ދަރިވަރުން ފުރަން ތައްޔާރު ވެއްޖެ
މި ސްކޮލާޝިޕް ފުރުސަތުގައި އިންޖިނިއަރިން އާއި ކޮމްޕިއުޓާ ސައިންސާއި ސިއްހީ ދާއިރާ އާއި އަދި ޓީޗިންގެ ދާއިރާ ތަކުން ފުރުސަތުތަށް ލިބެ އެވެ.
ހަންގޭރީ ސަރުކާރާއި ހަންގޭރީގެ އޮނަރަރީ ކޮންސުލް ޖެނެރަލް ބޭއްވި ސްޓައިޕެންޑިއަމް ހަންގޭރިކަމް ސްކޮލަޝިޕް ޕްރޮގްރާމް ކާމިޔާބުކުރި 25 ދަރިވަރުންނަށް މިހާރު ވަނީ ފެއާވެލް އެއް ބާއްވަފަ އެވެ. ދަރިވަރުން ކިޔަވަން ހަންގޭރީއަށް ދަތުރު ކުރާނީ އަންނަމަހު އެވެ.
ހަންގޭރީ ސަރުކާރާއާއި ހަޔާ އެޑިއުކޭޝަން މިނިސްޓްރީން 2021، ނޮވެމްބަރު މަހު ސޮއިކުރި އެއްބަސްވުމުގެ ދަށުން އެ ގައުމުން ވަނީ ރާއްޖެއަށް މަތީ ތައުލީމުގެ 60 ސްކޮލާޝިޕް ހިލޭ ދޭން ނިންމާފަ އެވެ.
މަތީ ތައުލީމާބެހޭ މި އެއްބަސްވުމެއްގެ ދަށުން ހަންގޭރީން ދިވެހި ދަރިވަރުންނަށް އަހަރަކު ދެމުން އައި ސްކޮލާޝިޕްގެ އަދަދު 15 އިން 25 އަށް ވަނީ މިހާރު އިތުރު ކޮށްފަ އެވެ.
ހަންގޭރީގެ ޔުނިވާސިޓީތަކުން މަތީ ތައުލީމު ހާސިލު ކުރަން ހުޅުވާލާ މި ފުރުސަތުތަކުގެ ތެރޭގައި ހިމެނެނީ ބެޗެލާސްއިން ފެށިގެން ޕީއެޗްޑީއާ ހަމައަށް ކިޔެވުމުގެ ފުރުސަތެވެ. މި ސްކޮޕާޝިޕްތަކަށް ހޮވޭ ދަރިވަރުންނަށް ދެ ކޮޅު ޓިކެޓުގެ އިތުރުން ކިޔެވުމާއެކު ހުރިހާ ހަރަދެއް ހިލޭ ފަހިކޮށް ދެއްވާނެ ކަމަށް ހަންގޭރީގެ އޮނަރަރީ ކޮންސުލް ރާއްޖޭގެ މުހައްމަދު އަލީ ޖަނާހު ވިދާޅުވެ އެވެ.
މި ސްކޮލާޝިޕް ފުރުސަތުގައި އިންޖިނިއަރިން އާއި ކޮމްޕިއުޓާ ސައިންސާއި ސިއްހީ ދާއިރާ އާއި އަދި ޓީޗިންގެ ދާއިރާ ތަކުން ފުރުސަތުތަށް ލިބެ އެވެ.
ޖަނާހް ވަނީ ސްކޮލަޝިޕް ޕްރޮގްރާމްގެ ދަށުން ހަންގޭރީއަށް ދަތުރުކުރާ ރާއްޖޭގެ ދަރިވަރުންނަށް ވިސާ އެޕްލިކޭޝަން ޕްރޮސެސް ފަސޭހަކޮށްދިނުމަށް އިންޑިއާގެ ނިއުދިއްލީގައި ހުންނަ ހަންގޭރީގެ އެމްބަސީއާ ގުޅިގެން މަސައްކަތް ކުރައްވާފަ އެވެ.
ކޮމެންޓް
މިހާރު ކިޔެވުން ފެށޭ ދުވަސް ޖެހެނީ. އަދިވެސް ވިސާ ނުލިބޭ.
Republic of Maldives