އެންމެ އޮރެންޖެއް 10ރ. އަށް އެންމެ އާފަލެއް 7ރ. އަށް
ބައެއް ތަކެތީގެ އަގުތައް އުފުލުމުގެ ސަބަބެއްގެ ގޮތުގައި ވިޔަފާރިވެރިން ބުނަނީ ސަޕްލައި ރާއްޖެ އައުން ލަސްވެ ތަކެތީ މަދުވުމެވެ.
ބާޒާރަށް މިއަދު ދިޔައިރު މަދުތަނެއްގައި ނޫނީ އޮރެންޖެއް ނެތެވެ. އޮރެންޖު ހުރި ފިހާރަތަކުންވެސް އެންމެ އޮރެންޖެއް ވިއްކަނީ 10ރ. އަށެވެ. ވެގެން މިއުޅެނީ ކިހިނެއް ހެއްޔެވެ؟
ބައެއް ވިޔަފާރިވެރިން ބުނާ ގޮތުގައި ބާޒާރުގައި އޮރެންޖުގެ އަގު އުފުލިގެން އުޅޭ އެއް ސަބަބަކީ އޮރެންޖު ލިބުން ދަތިވުމެވެ.
"ބޭރުން އޮރެންޖު ލިބުމުގައި ތާށިކަމެއް އުޅޭ. އެކަމަކު ކުރިއަށް އޮތް ދެ ދުވަހުގެ ތެރޭގައި ކޮންމެވެސް ވަރަކަށް ސަޕްލައި ލިބޭނެ ކަމަށް ބެލެވޭ،" ވިޔަފާރިވެރިއަކު ބުންޏެވެ.
ބާޒާރުމަތީގައި އޮރެންޖުގެ އިތުރުން އެހެން ބައެއް ތަކެތިވެސް ދަނީ މަދުވަމުންނެވެ. ބައެއް އެހެން ތަކެތީގެ ސަޕްލައިއަށްވެސް ލަސްތަކެއް އައިސްފައިވާ ކަމަށް ވިޔަފާރިވެރިން ބުނެ އެވެ. އެއް ބާވަތަކީ އާފަލެވެ. އާފަލެއްގެ އަގު ހުރީ ހަތް ރުފިޔާ އަށެވެ.
ކޮމެންޓް
Republic of Maldives