މިސްކިތުގައި ނަމާދުކުރާ އަޑު ގޭގެއަށް ނީއްވަން އަންގައިފި
މާލޭ ސިޓީގައި 31 މިސްކިތް ހުރެ އެވެ. މި ސަރުކާރު އައި ފަހުން މިސްކިތަކުގެ ބަންގީ އަޑު މަޑު ކޮށްފައިވާ ކަމަށް މީގެ ކުރިން ވެސް ވަނީ އާންމުން ތުހުމަތުތައް ކޮށްފަ އެވެ. އަދި ބައެއް މިސްކިތްތަކުގައި ނަމާދު ގަޑީ ތާޅަފިލިތަކުގެ އަޑު މަޑު ކުރަން އަންގަމުން ދާ ކަމަށް ކުރިން ވެސް މީހުން ބުނަމުންނެވެ.
ބައެއް މިސްކިތްތަކުގައި ނަމާދު ކުރާ އަޑު ގަދަވާތީ އާއްމު ބައެއް ފަރާތްތަކުން ޝަކުވާ ކުރާ ކަމަށް ބުނެ، ނަމާދުކުރާ އަޑު ބޭރަށް ނީވޭ ގޮތް ހަދަން ބައެއް މިސްކިތްތަކަށް ދިވެހި ސަރުކާރުން އަންގައިފި އެވެ.
އިސްލާމިކް މިނިސްޓްރީގައި ތަރުޖަމާނަކު ހުރެ އެވެ. ތަރުޖަމާނު، އިސްމާއީލް އަފްރާހަށް "މި" ނޫހުން ތަކުރާރުކޮށް ގުޅި އެވެ. އޭނާ ޖަވާބެއް ނުދެއްވަ އެވެ. ނަމަވެސް މި މައްސަލާގައި އޭނާ ވަނީ ދުވަހު ނޫސް "ސީއެންއެމް" އަށް ކުރުކޮށް ވާހަކަ ދައްކަވާފަ އެވެ. އޭނާ ވިދާޅުވީ، ބައެއް މިސްކިތްތަކާއި އިންވެގެނާއި ކައިރީ ހުންނަ ގޭގެއަށް ނަމާދުކުރާ ވަގުތު ވަރަށް ބާރަށް އަޑުއިވޭ ކަމަށް ބުނެ އެ މިނިސްޓްރީއަށް ޝަކުވާ ލިބެމުންދާ ކަމަށެވެ. އަދި ބުނީ އެފަދަ ބައެއް މިސްކިތްތަކުގައި ނަމާދު ކުރާއިރު އަޑު މަޑު ކުރުމަށް އަންގާފައި ވާނެ ކަމަށެވެ.
"ބައެއް މިސްކިތްތަކުގެ ލައުޑް އިސްޕީކަރު އެބަހުރޭ ސީދާ އިމާރާތްތަކާ ދިމާލަށް. އެހެންވެ އަޑުގަދަ ވެގެން އުނދަގޫވާ ކަމުގެ ޝަކުވާ ލިބޭތީ. އެ މިސްކިތްތަކަށް އަންގާފައި ވާނެ އަޑު މަޑުކުރަން،" ތަރުޖަމާނު އަފްރާހް އެ ނޫހަށް ވިދާޅުވެފައި ވެއެވެ.
މިއީ މިފަދަ އެންގުމެއް މުސްލިމް ދިވެހި ސަރުކާރުން އެންގި އަދި އެކަމަށް އެއްބަސްވި ފުރަތަމަ ފަހަރެވެ.
ހުރިހާ މިސްކިތްތަކަށް އެގޮތައް އަންގާފައި ނުވާނެކަން އޭނާ ވިދާޅުވި އިރު އަޑު މަޑުކުރަން އެންގީ ކޮން ކޮން މިސްކިތްތަކަކަށް ކަމެއް ނަމާދުގެ އަޑު ގަަދަވެ އުނދަގޫވެގެން ޝަކުވާ އުފުލީ ކޮން ސަރަހައްދުތަކެއް / ބްލޮކްތަކެއް އަދި ކޮންކޮށް ގޭގެއަކުން / ކޮން އެޕާޓްމަންޓްތަކަކުން ކަމެއް ސާފުކޮށެއް ނުދެ އެވެ. އަދި އެ ގޭގެއަކީ ދިވެހިން އުޅޭ ގޭގެ ކަމެއް ވެސް ސާފުކޮށެއް ނުދެ އެވެ. މާލޭގެ ވަރަށް ގިނަ އެޕާޓްމަންޓްތަކުގައި ބިދޭސީން ވެސް ދިރިއުޅެ އެވެ.
އަޑު ފެތުރިފައިވާ ގޮތުގައި މިސްކިތުގެ ހަރިންމައިން ބޭރަށް ނީވޭ ގޮތަށް ނަމާދު ކުރަން މާލޭގެ މިސްކިތްތަކުގެ އިމާމުންނަށާއި ރަށްރަށުގެ ކައުންސިލްތަކަށް އަންގައި އިސްލާމިކް މިނިސްޓްރީން ވަނީ ސާކިއުލާއެއް ނެރެފަ އެވެ. އެ ސާކިއުލާގައި މިސްކިތުގެ ލައުޑް ސްޕީކަރުން ބަންގި ނޫން އެއްޗެއްގެ އަޑު ނޫނީ ނުޖައްސަން އެދިފައި ވެއެވެ. އެހެން ނަމަވެސް އެ ސާކިއުލާގެ ކޮޕީ "މި" އަށް ލިބިފައެއް ނެތެވެ.
ރާއްޖެއަކީ ސައްސަތައިން ސައްތަ އިސްލާމީ ގައުމެކެވެ. އިސްލާމީގެ ގައުމެއްގައި ފާޅު ކުރާ އެންމެ ވަރުގަދަ އިސްލާމީ ޝިއާރަކީ ނަމާދަށް ގޮވާލާ ބަންގި އާއި ގަމަތުގެ އަޑާއި ނަމާދުގެ އަޑެވެ. ވެރިރަށް މާލޭ ސިޓީގައި 31 މިސްކިތް ހުރެ އެވެ. މި ސަރުކާރު އައި ފަހުން މިސްކިތަކުގެ ބަންގީ އަޑު މަޑު ކޮށްފައިވާ ކަމަށް މީގެ ކުރިން ވެސް ވަނީ އާންމުން ތުހުމަތުތައް ކޮށްފަ އެވެ. އަދި ބައެއް މިސްކިތްތަކުގައި ނަމާދު ގަޑީ ތާޅަފިލިތަކުގެ އަޑު މަޑު ކުރަން އަންގަމުން ދާ ކަމަށް ކުރިން ވެސް މީހުން ބުނަމުންނެވެ.
ކޮމެންޓް
Republic of Maldives