ތިލަފުށީގައި ކަރަންޓު އަޕްގްރޭޑިން މަސައްކަތްތަކެއް ފަށައިފި
އާދިއްތަ ދުވަހުން ފެށިގެން ތިލަފުށީގެ އެކި ހިސާބުތަކުގައި ކަރަންޓުގެ ހިދުމަތުގެ ފެންވަރު ރަނގަޅު ކުރުމުގެ މަސައްކަތްތަކެއް ކުރަމުންދާ ކަމަށް ސްޓެލްކޯއިން ބުނެ އެވެ.
ރާއްޖޭގެ އެންމެ ގިނަ މަސައްކަތް ކުރާ ސިނާއީ ރަަށް ތިލަފުށީ ކަރަންޓުގެ ފެންވަރު މަތި ކުރަން އަޕްގްރޭޑިން މަސައްކަތްތަކެއް ސްޓެލްކޯއިން ފަށައިފި އެވެ.
ތިލަފުށީގައި މަސައްކަތް ކުރާ ބައެއް ވިޔަފާރިވެރިންވަނީ އާދިއްތަ ދުވަހާއި މިއަދުވެސް އެ ރަށުން ގޮސްފައިވާ ކަމަށާ މިކަމުގެ ސަބަބުން މަސައްކަތްތަކަށް ބޮޑެތި ދަތިތަކާ ކުރިމަތިވަމުންދާ ކަމަށެވެ.
މިކަމާ ބެހޭ ގޮތުން ސްޓެލްކޯގެ މީޑިއާ އޮފިޝަލް އަހުމަދު މުހައްމަދު ވިދާޅުވީ ތިލަފުށިން ކަރަންޓު ކެނޑެނީ ނޫން ކަމަށާ ކަރަންޓު އަޕްގްރޭޑް ކުރުމުގެ މަސައްކަތްތަކެއް ކުރަމުންދާ ކަމަށެވެ.
"ބައެއް ސަރަހައްދުތަކުން ކަރަންޓު ކަނޑަމުން ގެންދަނީ އަޕްގްރޭޑް [ކަރަންޓުގެ ފެންވަރު މަތި] ކުރަމުން ގެންދާތީ،" އަހުމަދު ވިދާޅުވި އެވެ.
ތިލަފުއްޓަކީ ރާއްޖޭގެ އެންމެ ބޮޑު އިންޑަސްޓްރިއަލް ހަބެވެ. މިރަށުގައި ހުރި ވަސީލަތްތަކުގެ ފެންވަރު ދަށްވުމުގެ ޝަކުވާ ކުރެ އެވެ. ހާއްސަކޮށް ހަރުދަމާގެ ނިޒާމު ފެންވަރު ދަށްކަމާއި ފެނުގެ ނިޒާމުގެ ފެންވަރު ދަށްވުމަކީ އަބަދުގެ ޝަކުވާއެކެވެ.
ކޮމެންޓް
Republic of Maldives