ޕީއެންސީގެ ރިޔާސީ ކެންޑިޑޭޓް ކަނޑައެޅުން މިއަދު ހަވީރު

ޕީއެންސީގެ ރިޔާސީ ޓިކެޓަށް ވާދަ ކުރަން ހުޅުވާލައި މިއަދު ހަވީރު ކެނޑިޑޭޓަކު ކަނޑައަޅަން ނިންމައިފި އެވެ.

ޕީއެންސީން ނޫސްބަޔާނެއް މެދުވެރިކޮށް ބުނީ އަންނަ ރިޔާސީ އިންތިހާބުގައި އެ ޕާޓީން ރިޔާސީ ކެންޑިޑޭޓަކު ނެރެން މިއަދު ފާސް ކޮށްފައިވާތީ ރިޔާސީ އިންތިހާބުގައި ޕީއެންސީން ވާދަ ކުރަން އެދޭ ފަރާތްތަކުން މިއަދު މެންދުރު ފަހު 2:00 ޖެހުމާ ހަމައަށް ކުރިމަތިލާން އެދޭ ކަމަށެވެ. 

އަދ ބުނީ ޝައުވެރިކަން ފާޅުކޮށް ހުށަހަޅާ ފަރާތްތަކުގެ ތެރެއިން އެ ޕާޓީގެ ޓިކެޓްގައި އަންނަ ރިޔާސީ އިންތިހާބުގައި ވާދަ ކުރައްވާނެ ކެންޑިޑޭޓަކު ކަނޑައަޅާނީ މިއަދު ހަވީރު 4:00 ޖަހާއިރު އެ ޕާޓީގެ މަޝްވަރާ މަޖިލީހުގައި ކަމަށެވެ. 

ރިޔާސީ އިންތިހާބުގައި ޕީއެންސީން ވާދަ ކުރަން ނިންމައި މިއަދު ފުރުސަތު ހުޅުވާލި އިރު އެ ފުރުސަތަށް އެންމެ ބޮޑަށް ވާދަ ކުރައްވަނީ ޑރ. މުހައްމަދު މުއިއްޒު އާއި އާދަމް ޝަރީފެވެ.  

ޕީއެންސީން ކުރިއަށް އޮތް ރިޔާސީ އިންތިހާބުގައި ވާދަ ކުރަން ޕީއެންސީގެ މަޝްވަރާ މަޖިލީހުން މިއަދު ހެނދުނު ފާސް ކުރީ އެ މަޖިލީހުގެ ބައްދަލުވުމުގައި ބައިވެރިވެ ވަޑައިގެންނެވި 47 މެންބަރުންގެ ތެރެއިން 44 މެންބަރުންގެ އަޣުލަބިއްޔަތުންނެވެ.