ޝަރަފު 4 ބޭފުޅަކަށް، ހިތްވަރުދިނުމުގެ އިނާމު 17 ބޭފުޅަކަށް

ސަރުކާރުން ދޭ ޝަރަފުވެރިކަމުގެ ގައުމީ އިނާމު ހަތަރު ބޭފުޅަކަށާއި، ކުންފުންޏަކަށް އަދި ހިތްވަރު ދިނުމުގެ ގައުމީ އިނާމު 17 ބޭފުޅަކަށާއި، ޖަމިއްޔާއަކަށް ރައީސް އިބްރާހިމް މުހައްމަދު ސޯލިހު ދެއްވައިފި އެވެ.

މިނިވަން ދުވަހުގެ މުނާސަބަތުގައި މިއަދު ބޭއްވި ރަސްމީ ޖަލްސާގައި ޝަރަފުވެރިކަމުގެ ގައުމީ އިނާމު ލިބިވަޑައިގެންނެވި ބޭފުޅުންނަށް ރައީސް ދެއްވީ ޝަރަފުގެ އައްޑަނައާއި، ޝަރަފުގެ ބެޖެވެ. ހިތްވަރު ދިނުމުގެ ގައުމީ އިނާމު ލިބިވަޑައިގެންނެވި ބޭފުޅުންނަށް ދެއްވީ، ހަނދާނީ ފިލައެކެވެ.

ޝަރަފުވެރިކަމުގެ ގައުމީ އިނާމު މިއަހަރު ހޯއްދެވީ؛

މިއަދުގެ ރަސްމިއްޔާތުގައި ހިތްވަރު ދިނުމުގެ ގައުމީ އިނާމު ހާސިލް ކުރެއްވި ބޭފުޅުންގެ ތެރޭގައި ކީރިތި ގުރުއާން އުނގަންނައިދީ ގުރުއާނުގެ އިލްމުގެ ދާއިރާއިންނާއި ދީނަށް ހޭލުންތެރިކުރުމުގެ ދާއިރާގެ ބޭފުޅުން ހިމެނެ އެވެ. އަދި ދިވެހި އަދަބިއްޔާތުގެ ހިދުމަތްތެރިންނާއި ކުޅިވަރާއި އިޖުތިމާއީ ދާއިރާތަކުގެ ބޭފުޅުން ހިމެނެ އެވެ.

ސަރުކާރުން ކޮންމެ އަހަރަކު ދެމުން ގެންދާ ގައުމީ އިނާމަކީ، ދިވެހި ގައުމާއި ދިވެހި މުޖުތަމައުގެ ލާބައާއި މަންފާއަށްޓަކައި ވަކިވަކި ފަރުދުންނާއި، މަދަނީ މުއައްސަސާތަކުންނާއި، މަދަނީ ޖަމިއްޔާތަކާއި ވިޔަފާރި އިދާރާތަކުން ދެމެހެއްޓެނިވި ގޮތެއްގައި ދިވެހި ގައުމުގެ ތަރައްގީގައި ކުރަމުންގެންދާ މަސައްކަތްތަކުގެ އަގު ވަޒަން ކުރުމަށް ދޭ އިނާމެކެވެ.