ޑެންމާކުގައި ގުރުއާން އެންދި މައްސަލަ ސަރުކާރުން ކުށްވެރި ކޮށްފި
ދިވެހި ސަރުކާރުން ގޮވާލާފައި ވަނީ އިސްލާމް ދީނާމެދު ހިންގާ ހަރުކަށި އަމަލުތައް ކުށްވެރިކޮށް، ރުޅިވެރިކަމާއި ތަފާތު ކުރުންތައް ނައްތާލާށެވެ.
އިއްޔެ ފޮރިން މިނިސްޓްރީން ނެރުނު ބަޔާނެއް މެދުވެރިކޮށް ބުނީ ޑެންމާކުގައި ހުންނަ އިރާގުގެ އެމްބަސީ ކުރިމަތީ ގުރުއާން އެންދުން ދިވެހި ސަރުކާރު، ހަރުކަށި އިބާރާތުން ކުށްވެރި ކުރާ ކަމަށެވެ.
އެފަދަ އަމަލުތައް ގިނައިން ފެންނަމުންދާކަން ފާހަގަކޮށް ދިވެހި ސަރުކާރުންް ބުނީ ރުޅިވެރިކަމުގެ އެ އަމަލުތައް އެއީ ހިޔާލު ފާޅު ކުރުމުގެ މިނިވަންކަން ކަމަށް ބުނެ ފަރުނުޖެއްސޭނެ ކަމަށެވެ. ދިވެހި ސަރުކާރުން ގޮވާލާފައި ވަނީ އިސްލާމް ދީނާމެދު ހިންގާ ހަރުކަށި އަމަލުތައް ކުށްވެރިކޮށް، ރުޅިވެރިކަމާއި ތަފާތު ކުރުންތައް ނައްތާލާށެވެ. އަދި ގުޅިގެން އުޅެވޭ މުޖުތަމައެއް ގާއިމު ކުރާށެވެ.
ނަސްލީ ތަފާތު ކުރުމާއި ވަކި ގައުމަކަށް ނިސްބަތްވީތީ ތަފާތު ކުރުމާއި އެ ނޫންވެސް ތަފާތު ކުރުންތައް ނައްތާލުމުގައި ކުރިއެރުންތައް ހޯދި ނަމަވެސް ގުރުއާން އެންދުން ފަދަ ހަރުކަށި އަމަލުތަކަށް ފުރުސަތު ދިނުމުގެ ސަބަބުން ބިރުވެރިކަމާއި ހަމަނުޖެހުން އުފެދި ކުރިން ހޯދި ކުރިއެރުން ފަހަތަށް ޖެހޭނެ ކަމަށްވެސް ދިވެހި ސަރުކާރުން ބުނެފައި ވެއެވެ.
ކޮމެންޓް
Republic of Maldives