އިމްރާންގެ ޓްވީޓެއް: އެކި ޕާޓީން ވިއްކާނީ އެކި އެއްޗެހި
އިމްރާން ވިދާޅުވީ ރިޔާސީ ރޭހުގައި އެކި ޕާޓީތަކުން ވިއްކާނީ އެކި އެއްޗެހިކަން ރައްޔިތުންނަަށް އެނގޭ ކަމަށެވެ. އަދި އެންމެ ގިނަ ރައްޔިތުން ބަލަައިގަންނަ އެއްޗެއް ވިއްކާނީ ކޮން ޕާޓީއަކުން ކޮން ކެންޑިޑޭޓެއްތޯ އިމްރާން ވަނީ އައްސަވާފައެވެ.
ކުރިއަށް އޮތް 2023 ވަނަ އަަހަރުގެ ރިޔާސީ މަންޒަރުގައި މަޑުމަޑުން ކުލަ ޖެހެން ފަށާފައިވާ ކަމަށް އަދާލަތު ޕާޓީގެ ރައީސް އަދި ހޯމް މިިނިސްޓަރު އިމްރާން އަބްދުﷲ ވިދާޅުވެއްޖެ އެވެ.
އިމްރާން މިހެން ވިދާޅުވީ މިރޭ ކުރެއްވި ޓްވީޓެއްގަ އެވެ. ބޮޑެތި ހިޔާލު ތަފާތުވުންތަކާއެކު އެމްޑީޕީ ކޮންގްރެސް ނިމޭނެ ކަމަަށް ބައެއް ފަރާތްތަކުން ކުރި ލަފަޔާ ހިލާފަށް އާދަޔާ ހިލާފު އެކުވެރި ކަމެއް ބޭރަށް ދައްކާ އެމްޑީޕީގެ ކޮންގްރެސް ކާމިޔާބު ކަމާއެކު މިރޭ ނިންމާލާފައިވަނިކޮށް އިމްރާން ވިދާޅުވީ ރިޔާސީ ރޭހުގައި އެކި ޕާޓީތަކުން ވިއްކާނީ އެކި އެއްޗެހިކަން ރައްޔިތުންނަަށް އެނގޭ ކަމަށެވެ. އަދި އެންމެ ގިނަ ރައްޔިތުން ބަލަައިގަންނަ އެއްޗެއް ވިއްކާނީ ކޮން ޕާޓީއަކުން ކޮން ކެންޑިޑޭޓެއްތޯ އިމްރާން ވަނީ އައްސަވާފަ އެވެ.
އިމްރާން މިހެން ވިދާޅުވިއިރު ސިޔާސީ މައިދާނުން ޖާގަ ތަނަަވަސްކޮށް ސަރުކާރުތަކުން ހިއްސާ ހޯދުމަށް އަދާލަތުން ބޭނުންކުރަނީ ދީން ކަމަަށް ދެކޭ ރައްޔިތުން ރާއްޖޭގައި ވަރަށް ގިނަ އެވެ. އެ ޕާޓީން ކަންކަމުގައި ދީނުގައި އޮތްގޮތް އޮޅުން ފިލުވަައިދީ ވަކާލާތު ކުރަނީ ސަރުކާރާ ދެކޮޅަށް އޮންނަ ހާލަތްތަކުގައި އެކަނި ކަމަަށްވެސް ބައެއް ރައްޔިތުން ދެކެއެވެ.
ގިނަ އަދަދެއްގެ ދީނީ އިލްމުވެރީންގެ ބައިވެރިވުމާއެކު އުފެއްދި އަދާލަތުގައި މިހާރު އިސްކޮށް ތިއްބެވި ބައެއް އިލްމުވެރީންނަކީ އަދާލަތުގެ ސިޔާސީ މަންފާއަށް ވެރީންނަށް ހުޝާމަދު ކުރުމުގައި ވަރަށް މަތީގައި ތިއްބެވި ބޭފުޅުންނެވެ. އެކަމާއި ގުޅިގެން އެ އިލްމުވެރީންނަށް ރައްޔިތުންގެ މެދުގައި އޮތް އިތުބާރު ވަނީ ކުޑަވެފައެވެ.
ރިޔާސީ ރޭހުގައި އެކި ޕާޓީތަކުން ވިއްކާނީ އެކި އެއްޗެހިކަން ރައްޔިތުންނަަށް އެނގޭ ކަމަށާ އަދި އެންމެ ގިނަ ރައްޔިތުން ބަލަައިގަންނަ އެއްޗެއް ވިއްކާނީ ކޮން ޕާޓީއަކުން ކޮން ކެންޑިޑޭޓެއްތޯ ސުވާލު ކުރައްވާ އިމްރާން ޓްވީޓެއް ކުރެއްވިއިރު ސަމާލުކަން ހޯދުމަށް އެކި ކަހަލަ ޓްވީޓް ކުރުން އޭނާ ވަނީ އިތުރުކުރައްވާފައެެވެ.
ކޮމެންޓް
Republic of Maldives