"ރައްކާ ކެންޕޭން" ހިންގަން ތިން ކުންފުންޏަކާ ބައިވެރިވެއްޖެ
އިއްޔެ ސޮއިކުރެވުނު އެގްރިމެންޓްގެ ދަށުން މަގުމަތީގެ ސަލާމަތާއި ރައްކާތެރިކަމުގެ ޕްރޮގްރާމްތައް ބޭވުމަށް ހަމަޖެހިފައިވެއެވެ.
ރޯޑް ސޭފްޓީ އެވެއާނެސް ޕްރޮގްރާމް، ''ރައްކާ ކެމްޕޭން'' ކުރިއަށް ގެންދަން ތިން ކުންފުންޏަކާއެކު ދިވެހި ފުލުހުންގެ ހިދުމަތުން އެއްބަސްވުންތަކެއްގައި ސޮއި ކޮށްފި އެވެ.
މި އެއްބަސްވުންތަކާއެކު ''ރައްކާ ކެމްޕޭން'' ގެ ތެރެއިން މަގުމަތީގެ ސަލާމަތާއި ރައްކާތެރިކަމުގެ ޕްރޮގްރާމްތައް ހިންގާނެ އެވެ.
އިއްޔެ އިސްކަންދަރު ބިލްޑިންގްގައި ފުލުހާއެކު އެއްބަސްވުމުގައި ސޮއި ކޮށްފައި ވަނީ، ސިލްވާ ޕާޓްނާ، އެލައިޑް އިންޝުއަރެންސް ކޮމްޕެނީ އާއި ޝީޝާ މޯލްޑިވްސް ޕްރައިވެޓް ލިމިޓެޑް އަދި އުރީދޫ އެވެ.
އެއްބަސްވުމުގައި ފުލުހުންގެ ފަރާތުން ސޮއި ކުރެއްވީ ޑެޕިއުޓީ ކޮމިޝަނާ އަލީ ރަޝީދެވެ. އެލައިޑުން ޖެނެރަލް މެނޭޖަރު އިބްރާހީމް ފިރުޝާނެވެ. ޝީޝާގެ ފަރާތުން އޮޕަރޭޝަންސް އެންޑް މާކެޓިން މެނޭޖަރު ފާތިމަތު ޖުމާން ސޮއި ކުރެއްވި އިރު އުރީދޫގެ ފަރާތުން ސޮއި ކުރެއްވީ ކޮމާޝަލް އޮފިސަރު ހުސައިން ނިޔާޒެވެ.
ކޮމެންޓް
Republic of Maldives