އާބަންކޯ މޯލްޑިވްސް ލިވިން އެކްސްޕޯގެ ތެރެއަށް
ޕްރޮޕަޓީ ޑެވެލޮޕަރުންނާއި، އިންޓީރިއާ ޑިޒައިނިން އަދި ފާނިޗާ ވިޔަފާރިތަކާއި ބޯހިޔާވަހިކަމަށް ފައިނޭންސް ކުރުމުގައި އެހީތެރިކަން ފޯރުކޮށްދޭ އިދާރާތަކުން މި އެކްސްޕޯގައި ބައިވެރިވެ އެވެ.
- މޯލްޑިވްސް ލިވިން އެކްސްޕޯގެ ޓައިޓަލް ސްޕޮންސަރަކަށް އާބަންކޯ
މޯލްޑިވްސް ލިވިން އެކްސްޕޯގެ 11 ވަނަ އެޑިޝަންގެ ޓައިޓަލް ސްޕޮންސަރަކަށް އާބަންކޯ ހަމަޖައްސައިފި އެވެ.
ލިވިން އެކްސްޕޯ ފަށާނީ އަންނަ އޯގަސްޓް މަހުގެ 10 ވަނަ ދުވަހު އެވެ. އޯގަސްޓް 12 ވަނަ ދުވަހުގެ ނިޔަލަށް ހުޅުމާލެ ސެންޓްރަލް ޕާކުގައި އެކްސްޕޯ ކުރިޔަށް ގެންދާނެ އެވެ.
އެކްސްޕޯ ބާއްވާ ހައިރައިޒް އިންޓަނޭޝަނަލް އާއެކު އެއްބަސްވުމުގައި ސޮއި ކުރުމަށް ފަހު އާބަންކޯ އިން ބުނީ، އެ ކުންފުނީގެ ސްކޯޕް ބޮޑުކޮށްފައިވާ ކަމަށެވެ. އެ ގޮތުން އާބަން ސިޓީ ޑެވެލޮޕްމަންޓަށް ފޯކަސް ކުރާއިރު ލިވިން އެކްސްޕޯއަކީ އާބަންކޯގެ އެ އަމާޒަށް ފަހި އެކްސްޕޯއެއް ކަމަށެވެ.
ލިވިން އެކްސްޕޯގެ ޓައިޓަލް ސްޕޮންސަރަކަށް ވުމަކީ އާބަންކޯއަށް އުފަލެއް ކަމަށް ވެސް އެ ކުންފުނިން ބުނެފައި ވެއެވެ. މި ސްޕޮންސާޝިޕްގެ އެއްބަސްވުމުގައި އާބަންކޯއިން ސޮއި ކުރެއްވީ ޑިޕިއުޓީ މެނޭޖިން ޑިރެކްޓަރު އަހުމަދު ގައިސެވެ.
- އެކްސްޕޯ ފަށާނީ: އޯގަސްޓް މަހުގެ 10 ވަނަ ދުވަހު
- އެކްސްޕޯ ނިންމާނީ: އޯގަސްޓް 12 ވަނަ ދުވަހު
ލިވިން އެކްސްޕޯ ބާއްވަން ހައިރައިޒް އިން ފެށީ 2013 ވަނަ އަހަރު އެވެ. ބޯހިޔާވަހި ކަމާއި، ދިރިއުޅުމުގެ ވައްޓަފާޅި ދައްކުވައިދޭ ގޮތަށް ރާއްޖޭގައި ބާއްވާ އެންމެ ބޮޑު އިވެންޓަކީ މިއީ އެވެ. ޕްރޮޕަޓީ ޑެވެލޮޕަރުންނާއި، އިންޓީރިއާ ޑިޒައިނިން އަދި ފާނިޗާ ވިޔަފާރިތަކާއި ބޯހިޔާވަހިކަމަށް ފައިނޭންސް ކުރުމުގައި އެހީތެރިކަން ފޯރުކޮށްދޭ އިދާރާތަކުން މި އެކްސްޕޯގައި ބައިވެރިވެ އެވެ. އަދި މުޅި އެކްސްޕޯގެ ތެރޭގައި ބޯހިޔާވަހި ކަމާއި ގެދޮރާ ގުޅުން ހުރި މައުލޫމާތުތައް އާންމުންނަށް ދެ އެވެ.
ކޮމެންޓް
Republic of Maldives