ގައްބަރޭގެ ބަންދަސް މަސް ދުވަސް

ރައްޔިތުން މަޖިލީހުގެ މަތިވެރި ދާއިރާގެ އެމްޑީޕީ މެންބަރު ހަސަން ޒަރީރަށް ހަމަލާދީ އަވަހާރަކޮށްލަން އުޅުނު މައްސަލައިގައި ހޯދަމުން ދަނިކޮށް އަމިއްލައަށް ފުލުސް އިދާރާއަށް ހާޒިރުވުމުން ހައްޔަރު ކުރި އިބްރާހީމް އަބްދުﷲ (ގައްބަރޭ) / މއ. ނައިޓްވިލާ، ގެ ބަންދަށް 30 ދުވަސް ކްރިމިނަލް ކޯޓުން ޖަހައިފި އެވެ. 

ގައްބަރޭ އަކީ އެމްޑީޕީގެ ގައުމީ މަޖިލީހުގެ މެންބަރެކެވެ. އޭނާ އަކީ މައްޗަނގޮޅީ ދެކުނު ދާއިރާގެ ރައީސެވެ. 

މަޖިލިސް މެންބަރު ޒަރީރަށް ހަމަލާދިނީ މި މަހުގެ ފުރަތަމަ ދުވަހުގެރޭ ފަތިހު އެވެ. އެ މައްސަލައިގައި ގައްބަރޭ ހޯދަން އިއުލާނު ޖެނީ މި މަހުގެ 15 އިގައެވެ. އޭނާ އަމިއްލައަށް ފުުލުހަށް ހާޒިރުވީ މިއަދު އެވެ.

އޭގެ ފަހުން މިއަދުގެ ވަގުތެއްގައި އޭނާގެ ބަންދަށް ކޯޓުން 30 ދުވަސް ޖަހައިދީފައި ވެއެވެ. މެންބަރު ޒަރީރަށް ހަމަލާދިން މައްސަލައިގައި މީގެ ކުރިން ވެސް ދެ މީހަކު ވަނީ ހައްޔަރު ކޮށްފަ އެވެ.