"ދެވަނަ ބުރެއްގައިވެސް ރައީސް ސޯލިހަށް ތާއީދު ކުރުމެއް ނެތް"
"އަޅުގަނޑަކަށް ނުފެނޭ ރައީސް ސޯލިހަށް ދެވަނަ ދައުރެއް ހޯދާ ދިނުމަށް މަސައްކަތް ކުރަން ޖެހޭ އެއްވެސް ސަބަބެއް ނެތް،"
ރިޔާސީ އިންތިހާބުގެ ދެވަނަ ބުރަކަށް ދާން ޖެހުނު ނަމަވެސް ރައީސް އިބްރާހިމް މުހައްމަދު ސޯލިހަށް ތާއީދުކޮށް އެ މަނިކުފާނަށް ދެވަނަ ދައުރެއް ހޯއްދަވައި ދެއްވުމަށް މަސައްކަތް ކުރަން ޖެހޭ އެއްވެސް ސަބަބެއް ނެތް ކަމަށް ރައީސް މުހައްމަދު ނަޝީދުގެ "ދަ ޑިމޮކްރެޓްސް" ޕާޓީ އުފެއްދުމުގައި އިސްކޮށް ހުންނެވި އެމްޑީޕީގެ ކުރީގެ ޗެއާޕާސަން / ހެންވޭރު ހުޅަނގު ދާއިރާގެ މެންބަރު ހަސަން ލަތީފް ވިދާޅުވެއްޖެ އެވެ.
އަންނަ ރިޔާސީ އިންތިހާބުގައި ދެވަނަ ބުރަކަށް ހިންގައްޖެ ނަމަ ރައީސް ސޯލިހަށް ތާއީދުކުރާނެ ހާލަތެއް އަތުވެދާނެތޯ ސުވާލެއް އަމާޒު ކުރުމުން ހަސަން ވިދާޅުވީ ޔަގީނުންވެސް އޭނާގެ ތާއީދު ދެން ރައީސް ސޯލިހަށް އޮންނާނެ ގޮތް އެއީ ނެތް ގޮތެއް ކަމަށެވެ. އަދި އޭނާއާ އެކުގައި ދެން ތިއްބެވި މަޖިލީހުގެ 12 މެންބަރުންގެ ވިސްނުމުގައި ވެސް އެފަދަ ކަމެއް ނެތް ކަމަށެ. އެ ނިންމުމަކީ މުޅި ރާއްޖެއަށް ވެސް އެންމެ ރަނގަޅު ގޮތް ކަމަށް ހަސަން ވިދާޅުވި އެވެ.
"އަޅުގަނޑަކަށް ނުފެނޭ ރައީސް ސޯލިހަށް ދެވަނަ ދައުރެއް ހޯދައި ދިނުމަށް މަސައްކަތް ކުރަން ޖެހޭ އެއްވެސް ސަބަބެއް... ނެތް،"
އަޅުގަނޑަކަށް ނުފެނޭ ރައީސް ސޯލިހަށް ދެވަނަ ދައުރެއް ހޯދައި ދިނުމަށް މަސައްކަތް ކުރަން ޖެހޭ އެއްވެސް ސަބަބެއް... ނެތް،
ހަސަން ލަތީފު | ދަ ޑިމޮކްރޭޓްސްގެ މެންބަރު
ހަސަން ވިދާޅުވީ "ދަ ޑިމޮކްރެޓްސް" އުފައްދަނީ ކޮންމެހެން ރާއްޖެއަށް ބަރުލަމާނީ ނިޒާމު ގެނައުމަށް ނޫން ކަމަށެވެ. ނަމަވެސް
ނިޒާމެއް ކަނޑައެޅުމަށް ވާހަކަ ދެއްކުމާއި ގޮތް ނިންމަން ފުރުސަތު ދިނުމަކީ ދިވެހި ރައްޔިތުންނަށް އޮތް ހައްގެއް ކަމަށް ވިދާޅުވި އެވެ. "ދަ ޑިމޮކްރެޓްސް" އިން އެކަމަށް ވަކާލާތު ކުރާނެ ކަމަށެވެ.
ރައީސް މުހައްމަދު ނަޝީދުގެ އާ ޕާޓީ "ދަ ޑިމޮކްރެޓްސް" އުފައްދަން ހުށައެޅުއްވީ މުއްސިސަކަށް ހަސަންގެ ނަން ޖަހައިގެނެވެ.
ކޮމެންޓް
ދެވަނަ ބުރަކަށް ރައީސް ސޯލިހު ދާނެކަމާއި އޭރުގައި މިމީހުން ތިބޭނީ ފެއިލްވެފައި ކަމާއި މިމީހުން ބައިވެރި ކުރާނެ ބަޔަކު ހޯދަން ޖެހޭނެކަން އެބައިނގެއެވެ. ހިޔަޅަށް ވީހެން ރައީސް ސޯލިހު މިމީހުން ބައިވެރި ނުކުރާނެކަން އެނގޭތީ ދެން ތިޔަހެން ކިޔާށެވެ.
Republic of Maldives