އެވޯޑް ހަފުލާއަކަށް ނަޝީދު އުތުރަށް ވަޑައިގަންނަވަނީ
ރައީސް ނަޝީދު އަދި އެމްޑީޕީން ވަކިވެ ވަޑައެއް ނުގަންނަވަ އެވެ. އަދި އެމްޑީޕީން ވެސް ރައީސް ނަޝީދު ޕާޓީން ވަކި ކުރުމުގެ މަސައްކަތެއް ކުރިޔަކަށް ނުގެންދެ އެވެ.
ރައްޔިތުން މަޖިލީހުގެ ރައީސް މުހައްމަދު ނަޝީދު އުތުރުގެ ހއ. ދިއްދޫއަށް މިއަދު ވަޑައިގަންނަވާނެ އެވެ.
އެ މަނިކުފާނު ދިއްދޫއަށް ވަޑައިގަންނަވަނީ "ތިލަ އުތުރު އެވޯޑްސް" ހަފުލާގައި ބައިވެރިވެވަޑައިގަތުމަށެވެ.
އެމްޑީޕީގެ ރައީސް ކަމުގައި ހުންނެވި ކުރީގެ ރައީސް މިއަދު މެންދުރުގެ ގަޑިއެއްގައި އުތުރަށް ވަޑައިގަންނަވާއިރު އެމްޑީޕީގައި ދެ ފެކްޝަން އުފެދި އެ މަނިކުފާނު އުފަން ކުރުވި "ފިކުރެއްގެ ދިރުން" ފެކްޝަނަށް ނިސްބާތްވާ އެމްޑީޕީގެ މަޖިލިސް މެންބަރުންނާ އެ މަނިކުފާނަށް ތާއީދު ކުރާ އެމްޑީޕީގެ ގިނަ ބަޔަކު ވަނީ ޕާޓީން ވަކިވެފަ އެވެ.
އަދި ރައީސް ނަޝީދު އަލަށް އުފައްދަން ނިންމަވާފައިވާ ޕާޓީ ރަޖިސްޓަރީ ކުރަން މިއަދު މެންދުރު އިލެކްޝަނަށް ހުށަހަޅާނެ އެވެ.
ރައީސް ނަޝީދު އަދި އެމްޑީޕީން ވަކިވެ ވަޑައެއް ނުގަންނަވަ އެވެ. އަދި އެމްޑީޕީން ވެސް ރައީސް ނަޝީދު ޕާޓީން ވަކި ކުރުމުގެ މަސައްކަތެއް ކުރިޔަކަށް ނުގެންދެ އެވެ. ނަމަވެސް އެ މަނިކުފާނު އަލަށް އުފައްދާ ޕާޓީން އަންނަ ރިޔާސީ އިންތިހާބުގައި ވާދަ ކުރަން ނިންމާފައިވާއިރު އެ ޕާޓީގެ ރިޔާސީ ކެންޑިޑޭޓަކަށް ވެ ވަޑައިގަންނަވާނީ އެ މަނިކުފާނެވެ.
ކޮމެންޓް
Republic of Maldives