"ފިކުރެއްގެ ދިރުން" ހަރަކާތުން ބުނީ އެ ފުރުސަތު މާދަމާ ހެނދުނު ހައެއް ޖަހަން ދެން އޮންނާނެ ކަމަށެވެ.
ރައީސް މުހައްމަދު ނަޝީދުގެ "ފިކުރެއްގެ ދިރުން" ހަރަކާތުން އުފައްދަން ނިންމާފައިވާ ސިޔާސީ ޕާޓީއަށް ކިޔާނެ ނަމެއް ކަނޑައެޅުމަށް އާންމުންގެ ހިޔާލަށް ރޭ ހުޅުވާލައިފި އެވެ.
އެ ހަރަކާތުން ވަނީ އެކަމަށް ހާއްސަ ގޫގްލް ފޯމެއް ހަދާފަ އެވެ. އެގޮތުން އެކަމަށް ހިޔާލު ދޭން ބޭނުންވާ މީހުން ޕާޓީ އަށް ކިޔަން ބޭނުންވާ ނަމާއި ޕާޓީ އަށް ކިޔަން ބޭނުންވާ ނަމުގެ ތަފްސީލާއި ޕާޓީގެ ކުލަ އާއި ޕާޓީގެ ލޯގޯ ހިމެނުމަށް ފަހު ފޮނުވަން ވަނީ އެދިފައެވެ.
"ފިކުރެއްގެ ދިރުން" ހަރަކާތުން ބުނީ އެ ފުރުސަތު މާދަމާ ހެނދުނު ހައެއް ޖަހަން ދެން އޮންނާނެ ކަމަށެވެ.
މީގެ އިތުރުން އާ ޕާޓީ އުފެއްދުމުގެ މަަސައްކަތުގައި އިސްކޮށް އުޅޭ ބޭފުޅުން މި ފަހުން ފެންނަނީ މަޑު ނޫ ކުލަ ބޭނުން ކުރައްވާ މަންޒަރެވެ. ކުރީން ބޭނުން ކުރަމުން ގެންދިޔަ ގުލްޗަމްޕާ މާ ދޫކޮށް މިހާރު ބޭނުން ކުރަނީ ނޫ ކުލައިގެ ރާޅު ބާންޏެއް މަންޒަރު ފެންނަ ކޮށްދޭ ލޯގޯ ކުލަބަރި އެކެވެ.