އުކުޅަހުގައި ކާރެއް ދަށުވެ ކުޑަ އަންހެން ކުއްޖަކަށް އަނިޔާވެއްޖެ

އއ. އުކުޅަހުގައި މިއަދު ހަވީރު ކުޑަ އަންހެން ކުއްޖަކު ކާރެއް ދަށުވެ އަނިޔާތަކެއް ވެއްޖެ އެވެ. އެ ރަށުގައި އަނިޔާވެފައި ވަނީ 16 އަހަރުގެ ކުއްޖަކަށެވެ. 

އުކުޅަހުގައި ކާރެއް ފަހަތަށް ޖައްސަން އުޅެނިކޮށް އެ ކާރުގެ ރޭހުގެ ކޮންޓްރޯލް ގެއްލި ކާރު ދަށުވެފައި ވަނީ ކާރު އޮތް ސަރަހައްދުގައި ހުރި ފިހާރައެއްގެ ދޮރު މަތީގައި އެ ވަގުތު ހުރި އެ ރަށު ސްކޫލުގެ ނުވަނަ ގްރޭޑުގައި ކިޔަވަމުން އަންނަ ދަރިވަރެކެވެ. 

ކުޑަ އެ އަންހެން ކުޖާއަށް ލިބުނު އަނިޔާތަކުގެ ތަފުސީލުތައް މިހާތަނަށް ސާފެއް ނުވެ އެވެ. 

ނަމަވެސް މިއަދު 5:30 ވެސް ވެފައި ވަނިކޮށް ހިނގި އެ އެކްސިޑެންޓަށް ފަހު އުކުޅަހު ސިއްހީ މަރުކަޒުގައި އަވަސް ފަރުވާ ދިނުމަށްފަހު އެ ކުއްޖާ މިހާރު ވަނީ އިތުރު ފަރުވާއަށް މާލެ ފުރުވާލާފަ އެވެ.