ތިނަދޫ ދޯންޏަކުން ވެއްޓުނު މީހަކަށް މިޔަރެއް ހަމަލާދީފި
މަސްވެރިންނަށް މިޔަރު ހަމަލާ ދިނުން މީގެ ހައެއްކަ އަހަރު ކުރީއްސުރެ ފެށިގެން ރާއްޖޭގައި އާންމުވެފައި ވެއެވެ.
ގދ. ތިނަދޫ "ކަޅިރަވަ" ދޯނިން ކަނޑަށް ވެއްޓުނު މީހަކަށް މިއަރެއް ހަމަލާދީ، ބޮޑެތި އަނިޔާ ތަކެއް ވެއްޖެއެވެ.
މިއަދު ހިނގި މި ހާދިސާގައި ޒަހަމްވީ އެ ދޯނީގައި މަސައްކަތްކުރާ ބަންގްލަދޭޝްގެ މީހަކަށެވެ. މިޔަރު ދަތް އެޅުމުގެ ސަބަނުން އޭނާއަށް ލިބިފައިވާ ޒަހަމްތަކުގެ ވީޑިއޯ ސޯޝަލް މީޑިއާގައި މިހާރު ދައުރުވަމުން ދެއެވެ. އެ ވީޑިއޯއިން ފެންނަ ގޮތުގައި އޭނާގެ، އަތަށާއި ފައިގެ އެކި ތަންތަނަށް މިއަރުގެ ހަމަލާ އަމާޒުވެފައި ވެއެވެ.
ދައުރުވަމުންދާ ވީޑިއޯއާ އެކު އާންމުކޮށްފައިވާ މައުލޫމާތުން އެނގޭ ގޮތުގައި، ހަމަލާ ދިން މިޔަރުގައި ގާތްގަނޑަކަށް އަށެއްކަ ފޫޓު ހުންނާނެއެވެ.
ޒަހަމްވި ބިދޭސީ މީހާއަށް ގއ. ވިލިނގިލީ ހޮސްޕިޓަލުގައި މިހާރު ގެންދަނީ ފަރުވާ ދެމުންނެވެ.
މަސްވެރިންނަށް މިޔަރު ހަމަލާ ދިނުން މީގެ ހައެއްކަ އަހަރު ކުރީއްސުރެ ފެށިގެން ރާއްޖޭގައި އާންމުވެފައި ވެއެވެ. އޭގެ އިތުރުން މަސްވެރިން ބާނާ މަސް މިޔަރު ކާލާ ކަމުގެ ޝަކުވާ ވެސް މަސްވެރިން ކުރެ އެވެ.
ކޮމެންޓް
Republic of Maldives