އަމީނީ މަގުން ފެންހިންދާ ޕަންޕެއްގެ ކަރަންޓު ނަރުހުރީ ބުރިކޮށްލާފައި: މޫކޭ
ކޭބަލް ބަޔަކު ބުރި ކޮށްލިކަން އެނގުމާއެކު، އެ މައްސަލަ ހައްލުކޮށް، ޕަންޕު އޮޕަރޭޝަނަށް ގެނައުމުގެ މަސައްކަތް ކުރަމުން އަންނަ ކަމަށް ވެއެވެ.
އަމީނީމަގު، ކުޑަކުދިންގެ ބަގީޗާ ކައިރީގައި ހުރި ޕަންޕު ސްޓޭޝަނަށް ކަރަންޓު ދޭ ނަރު މިއަދު ބުރިކޮށްލާފައި ހުރި ކަމަށް އެ މަގުގެ މަސައްކަތް ކުރަމުން އަންނަ އާރްޑީސީގެ މެނޭޖިން ޑިރެކްޓަރު މޫސާ އަލީ މަނިކު (މޫކޭ) ވިދާޅުވެއްޖެއެވެ.
މޫކޭ މިއަދު ކުރެއްވި ޓްވީޓެއްގައި ވިދާޅުވީ އެ ކޭބަލް ބަޔަކު ބުރިކޮށްލިކަން އެނގުމާއެކު، އެ މައްސަލަ ހައްލުކޮށް، ޕަންޕު އޮޕަރޭޝަނަށް ގެނައުމުގެ މަސައްކަތް ކުރަމުން އަންނަ ކަމަށެވެ.
މިއަދު ހެނދުނު މާލެއަށް ވެހުނު ވާރޭގައި، މާލޭގައި އާންމުކޮށް ފެންބޮޑުވާ ސަރަހައްދު ތަކުގައި ވަރަށް ބޮޑަށް ފެންބޮޑުވިއެވެ. އޭގެ ތެރޭގައި އަމީނީ މަގު ވެސް ހިމެނެއެވެ. އާރްޑީސީން މިހާރު ކުރިއަށް ގެންދާ މަގު ހެދުމުގެ މަޝްރޫއުން އެ މައްސަލައަށް ހައްލު ލިބޭނެ ކަމަށް ބުނެފައި ވަނިކޮށް، އަދިވެސް އެ މަގުގައި ފެންބޮޑުވާތީ އެ ކުންފުންޏަށް ފާޑުކިޔުން އަމާޒުވެފައިވެއެވެ.
މިދިޔަ އޭޕްރީލް މަހުގެ ފުރަތަމަ ދުވަހު ވެސް މާލެއަށް ބޯކޮށް ވާރޭވެހި ފެންބޮޑުވިއެވެ. އެ ދުވަހު މާލޭގެ މޭޔަރު ޑރ. މުހައްމަދު މުއިއްޒު ވަނީ ފެންހިންދުމަށް މަގުތަކުގައި ގާއިމުކޮށްފައިވާ ޕަންޕުތައް މަސައްކަތް ނުކުރާކަމަށް ތުހުމަތު ކުރައްވާފައެވެ. ނަމަވެސް، އެ ޕަންޕުތައް ހިންގާ އެމްޑަބްލިއުއެސްސީން ވަނީ އެ ދުވަހު ހުރިހާ ޕަންޕެއް ބަރާބަރަށް މަސައްކަތްކުރި ކަމަށް ބުނެފައެވެ.
ކޮމެންޓް
Republic of Maldives