ދެވަނަ ފަހަރަށް ކެޔޮދޫ ހަތިމު ވީދައިފި، ވިދާ މީހަކު ނޭނގޭ
އާބާދީގައި 600 އަށް ވުރެ ގިނަ މީހުން ދިރިއުޅޭ ކެޔޮދޫއަކީ އެ އަތޮޅުގެ އެންމެ އާބާދީ ބޮޑު ރަށެވެ.
ވ. އަތޮޅު ކެޔޮދޫ މިސްކިތުގައި ހުރި ޚަތިމުތަކެއް ވީދާލާފައި ހުއްޓާ އިއްޔެ ފެނިއްޖެ އެވެ. މިއީ އެރަށުގައި މި ފަހަކަށް އައިސް އެފަދަ ހާދިސާއެއް ހިނގި ދެވަނަ ފަހަރެވެ. -- ކެޔޮދޫ އަކީ ކުޑަ އާބާދީއެއް އޮންނަ ވ. އަތޮޅުގައި 600 އެއްހާ މީހުންނާއެކު އެ އަތޮޅުގެ އެންމެ އާބާދީ ބޮޑު ރަށެވެ.
ކެޔޮދޫ ކައުންސިލުގެ ރައީސް އަހްމަދު ސިރާޖު "މި" ނޫހަށް ވިދާޅުވީ ގުރުއާން ހަތިމުތައް ވީދާލާފައި ހުއްޓާ ފެނުނީ އިއްޔެ ފަތިސް ނަމާދަށް ދިޔަ ބަޔަކަށް ކަމަށެވެ.
"ހަތިމުތަކުގެ މެދުން ހަތަރުވަރަކަށް ސޮފުހާ ކަނުން ކަނަށް އިރާލާފައި ހުރީ" އޭނާ ވިދާޅުވި އެވެ.
މިދިޔަ އަހަރުގެ އޮކްޓޯބަރު މަހުގެ ތެރޭގައި ވެސް އެރަށުގައި އެ ފަދަ ހާދިސާއެއް ހިނގިއެވެ. އެފަހަރު ޚަތިމުތައް ވީދާލާފައި ހުއްޓާ ފެނުނީ ހަވީރުގެ ވަގުތެއްގަ އެވެ. އެފަހަރު ފުލުހުން އެ މައްސަލަ ބެލުމުން ވެސް ކަންކުރި ބަޔަކު ހޯދިފައި ނުވާކަމަށް އޭނާ ވިދާޅުވިއެވެ.
"ފުލުހުން ވިދާޅުވި މިފަހަރު ތަންކޮޅެއް ރަނގަޅަށް ބަލާނަމޭ ފޮރެންސިކްސްއާ އެއްޗެހި" ސިރާޖު ވިދާޅުވިއެވެ.
ކޮމެންޓް
މިކަމަކީވެސް އާއްމ ކަމަކަށް ހަދާ ނޯމަލައިޒް ކޮއްލަނީ ދެން ތިންވަނަ ފަހަރު ހަތުމުތައް އިރާލީމާ އެވާހަކަ ނުދައްކާނެ. އެއޮތީ އެމީހުން ބޭނުންވާ ކަން ވެފައި
އެއީ ގަސްދުގައި ފިތުނަ އުފައްދަން ކުރާ ކަންކަން، ސަމާލުކަމަށް އައިސްގެން ވެސް ފިތުނަށް އުފައްދައި ހަދާ
Republic of Maldives