ދިރާގު އީދު ބޯކިބާ މާލެއާ ހުޅުމާލޭގައި
އީދު ދުވަސް ދުވަހު އީދު ނަމާދަށް ފަހު އާއިލާއާއިއެކު އީދު ބޯކިބާ ކެއުމަކީ ދިވެހިންގެ މެދުގައި ޒަމާނުއްސުރެ އޮތް އާދަ އެކެވެ.
އީދު ސައި ކުރިއަށް ދާނީ މާލެ އާޓިފިޝަލް ބީޗްއާއި ހުޅުމާލެ ސިންތެޓިކް ޓްރެކްގަ އެވެ. މާލޭގއި ބާއްވާ ބޯކިބާ އިވެންޓް ކުރިއަށް ގެންދާނީ މާލެ ސިޓީ ކައުންސިލާ އެކު އެވެ. ހުޅުމާލޭގައި އަބަންކޯއާއެކު އެވެ.
ދިރާގުން ބުނި ގޮތުގައި އީދު ބޯކިބާ އާންމުންނާއި ހަމައަށް ގެނެސްދީ، ދިވެހިންގެ ރީތި އެ އާދާ އިތުރަށް އާލާ ކުރުމަކީ ލިބޭ ވަރަށް ބޮޑު އުފަލެކެވެ.
"މިފަދަ އިޖްތިމާއީ ހަރަކާތްތައް ހިންގާ ބޭއްވުމުގައި އަޅުގަނޑުމެންގެ ޕާޓްނަރުން، މާލެ ސިޓީ ކައުންސިލާއި އަބަންކޯއިން އަބަދުވެސް ދޭ އެއްބާރުލު ފާހަގަކޮށް އެފަރާތްތަކަށް ޝުކުރެއް ދަންނަވަން،" ދިރާގުގެ އެސިސްޓެންޓް މެނޭޖަރު ޕަބްލިކް ރިލޭޝަންސް، ޖައިޝާން ހަމީދު ވިދާޅުވި އެވެ.
އީދު ދުވަސް ދުވަހު އީދު ނަމާދަށް ފަހު އާއިލާއާއިއެކު އީދު ބޯކިބާ ކެއުމަކީ ދިވެހިންގެ މެދުގައި ޒަމާނުއްސުރެ އޮތް އާދައެކެވެ. އެ އާދަކާދަ ދިރުވާ އާލާ ކުރުމުގެ ގޮތުން ދިރާގު އީދު ބޯކިބާ ގެނެސްދޭން ބޭނުންވީ އާންމުންނަށް ތަފާތު ގިނަ އިޖްތިމާޢީ ހަރަކާތްތައް ގެނެސްދީ އެ ފަރާތްތަކުގެ ދިރިއުޅުން އިތުރަށް ފުރިހަމަކޮށްދީ މުއްސަނދިކޮށްދޭން ވެގެނެވެ.
ކޮމެންޓް
ކިތަށް ބޯކިބާ ފިހަނީ!!! ކުއްލިއަކަށް ކިހިނެއް ބޯކިބާ ދުވަސް މިއައީ؟؟
Republic of Maldives