ކިސީ ކާ ބާއީ، ކިސީ ކީ ޖާން: ޓްރައިލާ ކަމުގޮސްފި
މިއީ ލޯތްބާއި އެކްޝަން ހިމެނޭ ރީތި ފިލްމަކަށް ވާނެ ކަމަށް އުންމީދު ކުރާ ކަމަށް ބަތޮލާ ޕޫޖާ ހޭގްޅޭ ބުނެފައި ވެއެވެ.
ސަލްމާން ހާން އާއި ޕޫޖާ ހޭގްޅޭ "ކިސީ ކާ ބާއީ، ކިސީ ކީ ޖާން" ގެ ރަސްމީ ޓްރެއިލާ ދައްކާލުމާއެކު މީހުންގެ ހިތް ދަމައިގެންފި އެވެ.
ރޯދަ މަހަށް ފަހު އަންނަ ކުޑައީދުގެ ނެރޭ ފިލްމްގެ ޓްރެއިލާ ދޫކޮށްލަން އިއްޔެ ވަނީ ހަފުލާއެއްް ބާއްވާފަ އެވެ. އެ ހަފުލާގައި ފިލްމުގެ ތަރީން ވެސް ބައިވެރިވެފައި ވެއެވެ. އޭގެ ތެރޭގައު ޝެހެނާޒް ގިލް އާއި ޖައްސީ ހިމެނެ އެވެ.
"ކިސީ ކާ ބާއީ، ކިސީ ކީ ޖާން" ގެ ޓްރެެއިލާ އާއެކު މި ފިލްމަށް އޮތް ތާއީދު ބޮޑުވެފައި ވެއެވެ. އަދި މި ފިލްމަކީ ވަރަށް ގިނަ ބެލުންތެރިން މިހާރު އެދި އެދި އޮތް އެންމެ މުހިންމު ފިލްމަށް ވަނީ ވެފައެވެ.
"ކިސީ ކާ ބާއީ، ކިސީ ކީ ޖާން" އަކީ ސަލްމާނާއި ޒީ ސްޓޫޑިއޯސް ގުޅިގެން ޕްރޮޑިއުސްކޮށް ފަރުހާދު ސަމްޖީ ޑައިރެކްޓް ކޮށްފައިވާ ފިލްމެކެވެ. މިއީ ލޯތްބާއި އެކްޝަން ހިމެނޭ ރީތި ފިލްމަކަށް ވާނެ ކަމަށް އުންމީދު ކުރާ ކަމަށް ބަތޮލާ ޕޫޖާ ހޭގްޅޭ ބުނެފައި ވެއެވެ.
ކޮމެންޓް
Republic of Maldives