އަމީނީމަގު ހެދުމުގައި ކައުންސިލްގެ އަޑުއަހަން މޭޔަރު ގޮވާލައްވައިފި
އަމީނީ މަގުގެ މަސައްކަތް ކުރަނީ ސެގްމެންޓުތަކަށެވެ. ފުރަތަމަ ތިން ސެގެމެންޓުގެ މަގު ހަދައި ތާރުއަޅައި މިހާރު ވަނީ ހުޅުވާލައިފަ އެވެ.
އަމީނީ މަގު ހަދައި ތާރު އެޅުމުގެ މަސައްކަތް ކުރިއަށްދާ ގޮތުން އާންމު ރައްޔިތުންގެ ކަންބޮޑުވުންތައް އެބައޮތް ކަމަށާއި އެ މަސައްކަތުގައި މާލޭ ސިޓީ ކައުންސިލްގެ އަޑުއަހަން ސިޓީގެ މޭޔަރު ޑރ. މުހައްމަދު މުއިއްޒު އެދި ވަޑައިގެންފި އެވެ.
މޭޔަރު މުއިއްޒު މިއަދު ޓްވީޓް ކުރައްވާ ވިދާޅުވީ، އަމީނީމަގުގެ މަސައްކަތް ކުރާ ގޮތުން އޮތް ކަންބޮޑުވުން ކައުންސިލާ މީހުން ހިއްސާ ކުރާ ކަމަށާއި އެ މަސައްކަތް ކުރާ ގޮތުން މީހުނަށ ތަކްލީފަކަށް ވެފައިވާ ކަމަށެވެ. މީގެ އިތުރުން ނަފުސާނީ ގޮތުންނާއި އިޖުތިމާއީ ގޮތުން ގެއްލުމެއްވަމުން ދާ ކަމަށް ވެސް މޭޔަރު ވިދާޅުވި އެވެ.
"އަޅުގަނޑު އެދެނީ ސަރުކާރުން ކައުންސިލްގެ އަޑު އަހަން އެންމެ ފަހަރަކު ނަމަވެސް،" މުއިއްޒު ވިދާޅުވެފައި ވެއެވެ.
އަމީނީ މަގު ތަރައްގީ ކުރުމުގެ މަޝްރޫއު ޕްލޭނިން މިނިސްޓްރީން އާރުޑީސީއާ ހަވާލުކުރީ މިދިޔަ އަހަރުގެ ޖުލައި މަހުގެ ތިންވަނަ ދުވަހުއެވެ. އަދި 210 މިލިއަން ރުފިޔާގެ އެ މަޝްރޫއުގެ އާރުޑީސީން ފެށީ މިދިޔަ އަހަރުގެ އޮގަސްޓް މަހު އެވެ.
އަމީނީ މަގުގެ މަސައްކަތް ކުރަނީ ސެގްމެންޓުތަކަށެވެ. ފުރަތަމަ ތިން ސެގެމެންޓުގެ މަގު ހަދައި ތާރުއަޅައި މިހާރު ވަނީ ހުޅުވާލައިފަ އެވެ.
ކޮމެންޓް
Republic of Maldives