މޯނާ ލައްވާ މަންމަގެ ބައި ކުޅުވީ އެކަމަށް މޮޅު ކަމުން
ބައެއް ބަތަލާއިންގެ ޝަކުވާ އަކީ ބޮލީވުޑް ފިލްމުތަކުގައި ބަތަލާއިންނަށް އެމީހުންގެ އުމުރާ ގުޅޭ ރޯލުތައް ނުދޭ މައްސަލަ އެވެ. އަދި އެފަދައިން ދޮށީ ބައިތައް ކުޅުވާނަމަ މަލާމާތް ރައްދުވެ އެވެ.
އާމިރުގެ "ލާލް ސިންގް ޗައްޑާ" ރިލީޒް ކުރަން ހަމަޖެހިފައި ވަނީ މި މަހުގެ 11 ވަނަ ދުވަހު އެވެ. ފިލްމް އަޅުވާއިރު އަކްޝޭގެ "ރަކްޝާ ބަންދަން" އާ ކުރުމަތި ވާނެ އެވެ. އޭގެ ކުރިން އާމިރު ޚާންގެ "ލާލް ސިންގް ޗައްޑާ" އަށް ފާޑުކިޔުންތަކާ ކުރިމަތި ވެފައި އެބައޮތެވެ.
އެއީ އެ ފިލްމުގައި 57 އަހަރުވީ އާމިރުގެ މަންމަގެ ރޯލު 40 އަހަރުގެ މޯނާ ސިންގް އަދާކުރާތީ އެވެ. ހަމަ އެކަނި ފާޑު ކިޔަނީ އެއް ނޫނެވެ. ޖޯކުވެސް ޖަހަ އެވެ. އެކަމަކު އާމިރުޚާނަކީ މާ ހަމަޖެހޭ މީހެކެވެ. ފާޑުކިޔުންތަކަށް އާމިރު ވަނީ ޖަވާބު ދީފަ އެވެ.
އާމިރު ބުނި ގޮތުގައި ކޮންމެ އުމުރެއްގެ އެކްޓަރަކަށް ވި ނަމަވެސް އެ މީހަކު ކުޅޭ އެކްޓަރެއްގެ އުމުރާ ގުޅޭ ގޮތަށް އެކްޓް ކުރެވިއްޖެނަމަ އެއީ އެ ކެރެކްޓާ އެއްގެ ހުރި ރީތި އަދި މޮޅު ކަމެކެވެ. ކޮންމެހެން އުމުރު ދިމާވަކަށް ނުޖެހެ އެވެ.
"އެންމެންނަށް ވެސް އެނގޭނެ މި ފިލްމުގައި މޯނާ ސިންގްގެ ކުޅަދާނަ ކަމާއި މޮޅުކަން. ބައެއް މަންޒަރުތަކުން ހީވާނެ ހާދަ ޅައޭ. އަނެއްބައި މަންޒަރުތަކުން ހީވާނެ ހާދަ މުސްކުޅިޔޭ،" އާމިރު ބުންޏެވެ.
ކޮމެންޓް
Republic of Maldives