އޮންލައިންކޮށް ޝަރީއަތް ހިންގާތީ ބްލިންކެން ރާއްޖެއަށް ތައުރީފުކޮށްފި
ޓެކްނޮލޮޖީގެ މުހިއްމު ކަމުގެ މައްޗަށް އަލި އަޅުވާލައްވައި ބްލިންކެން ވަނީ އެހެން ބައެއް ގައުމުތަކުގެ ނަން ހިމަނުއްވައިގެން ވެސް މިސާލު ޖައްސާވާފަ އެވެ.
ދިވެހި ރާއްޖޭގައި އޮންލައިންކޮށް ޝަރީއަތްތައް ހިންގާތީ އެމެރިކާގެ ސެކްރެޓަރީ އޮފް ސްޓޭޓް އެންތަނީ ބްލިންކެން ރާއްޖެއަށް ތައުރީފު ކުރައްވާ ވާހަކަފުޅު ދައްކަވައިފި އެވެ.
ރައީސް ޖޯ ބައިޑަންގެ ޑިމޮކްރަސީ ސަމިޓްގައި ގައި "އެޑްވާންސިން ޓެކްނޮލޮޖީ ފޯ ޑިމޮކްރަސީ" ގެ މައްޗަށް ވާހަކަފުޅު ދައްކަވަމުން ބްލިންކެން ވިދާޅުވީ ޑިމޮކްރަސީ ހަރުދަނާ ކުރަން ދިވެހިރާއްޖޭން ފާހަގަ ކުރެވޭ ވަރަށް މަސައްކަތް ކޮށްްފި ކަމަށެވެ.
ވިދާޅުވީ ދިވެހި ރާއްޖޭގައި ވީޑިއޯ ޓެކްނޮލޮޖީގެ އެހީގައި އޮންލައިންކޮށް މިހާރު ޝަރީއަތް ހިންގޭ އިންތިޒާމްތައް ހޯދައި އެގޮތަށް ޝަރީއަތްތައް ކުރާ ކަމަށާއި އޭގެ ސަބަބުން ޝަރުއީ ދާއިރާ ހަރުދަނާވެ ފަނޑިޔާރުންގެ ވަގުތު ސަލާމަތް ކުރެވި ހަރަދު ވެސް ކުޑަކުރެވިފައިވާ ކަމަށެވެ.
ޑިމޮކްރަސީ ކުރިއަރުވައި ކަށަވަރު ކުރުމާއެކު ހިމާޔަތް ކުރުމަށް ޓެކްނޮލޮޖީގެ މުހިއްމު ކަމުގެ މައްޗަށް އަލި އަޅުވާލައްވައި ބްލިންކެން ވަނީ އެހެން ބައެއް ގައުމުތަކުގެ ނަން ހިމަނުއްވައިގެން ވެސް މިސާލު ޖައްސާވާފަ އެވެ.
ބްލިންކެން ވިދާޅުވީ އިންޓަނެޓްގެ ބޭނުން ގިނައިން ކުރަނީ ދޮގު މައުލޫމާތު ފެތުރުމާއި ބައިބައި ކުރުވަން ކަމަށެވެ. އެހެންވެ ރައްކާތެރި އިންޓަނެޓްގެ ހިދުމަތް ކުރިއަރުވަން ގަވާއިދުތަކާއި އުސޫލުތައް ގާއިމްކުރަން ޖެހޭ ކަމަށެވެ.
ކޮމެންޓް
Republic of Maldives