ދުވަސް ނުފުރާ އެންމެ އަވަހަށް އުފަންވި އެއްމާބަނޑު ތިންބެއިން

އިނގިރޭސިވިލާތުގެ މި ތިން އަންހެން ކުދީންނަކީ ރޫބީ-ރޯޒް އާއި ޕޭޓަން-ޖޭން އާއި ޕޯޝާ-މޭ ހޮޕްކިންސް އެވެ. މިއީ އެއްމާބަނޑު ތިން ބެއިންނެވެ. އަދި މިއީ ދުވަސް ނުފުރާ އެންމެ އަވަހަށް ވިހައި ދުނިޔޭގައި ދިރިތިބި އެއްމާބަނޑު ތިންބެއިންނެވެ. އެ ކުދީންގެ ނަންތައް ވަނީ ގިނިސް ވޯލްޑް ރެކޯޑްސް އަށް އަރުވާފަ އެވެ. 

ފެބްރުއަރީ 14، 2021 ގައި އުފަންވި ތިން ކުދިން ވަނީ ރިސްޓަލްގެ ސައުތުމީޑް ހޮސްޕިޓަލުގެ ނިއޯނޭޓަލް އިންޓެންސިވް ކެއާ ޔުނިޓްގައި 216 ދުވަސް ހޭދަ ކޮށްފަ އެވެ. މި ތިން ކުދިންގެ އުމުރުން މިހާރު ދެ އަހަރު ވެފައިވާއިރު ސިއްހަތު ވެސް ރަނގަޅެވެ.  އެއްވެސް މައްސަލައެއް ދިމާވެފައެއް ނުވެއެވެ.

ގިނިސް ވޯލްޑް ރެކޯޑްސްގައިވާ ގޮތުން ރޫބީ-ރޯޒް ފުރަތަމަ އުފަންވީ، ހެނދުނު 10:33 ގައި ބަރުދަނުގައި 467 ގްރާމްގަ އެވެ.  ރޫބީ-ރޯޒް އުފަންވުމަށް ފަހު މަންމަ، މައިކަލާ އަވަސް އަވަހަށް އޮޕަރޭޝަން ތިއޭޓަރަށް ގެންގޮސް ކުއްލި ސީ-ސެކްޝަނެއްގައި އަނެއް ދެބެން ވިއްސީ އެވެ.

ޕޭޓަން-ޖޭން އާއި ޕޯޝާ-މޭ ވިއްސާފައި ވަނީ ރޭގަނޑު 12:01 އަދި 12:02 ގަ އެވެ. ޕޭޓަން-ޖޭންގެ ބަރުދަނުގައި 402 ގްރާމް ހުއްޓެވެ. ޕޯޝާ-މޭގެ ބަރުދަނުގައި 415 ގްރާމް ހުއްޓެވެ.