ކޭބަލަކަށް ގެއްލުންވެ ކަރަންޓް ކެނޑިއްޖެ، ކަރަންޓް ލިބޭނީ ދެ ގަޑިއިރު ފަހުން

ކޭބަލަކަށް ގެއްލުންވެ ކަރަންޓް ކެނޑިއްޖެ އެވެ.

ކަރަންޓް ކުންފުނި -- ސްޓެލްކޯ އިން ކަރަންޓް ކެނޑުނީ އަމީނީމަގު ހެދުމުގެ މަސައްކަތުގެ ތެރެއިން ކަމަށެވެ. އެ މަސައްކަތް ކުރަނިކޮށް ޑިސްޓްރިބިއުޝަން ކޭބަލަކަށް ގެއްލުންވެ، ބުރުޒުމަގުގެ އިރާއީ ބުކުޝޮޕް ހުންނަ ސަރަހައްދުން ވަނީ ކަރަންޓުގެ ހިދުމަތް މެދުކެނޑިފައެވެ.

ވަގުތީ ކޭބަލެއް އަޅައި އެ ސަރަހައްދަށް އަލުން ކަރަންޓު ދިނުމަށް ދެ ގަޑި އިރު ހޭދަވާނެ ކަމަށް ލަފާ ކުރެވޭ ކަމަށްވެސް ސްޓެލްކޯ އިން ބުންޏެވެ.