ޓޮޕްޓެން: ރާއްޖޭގެ އެންމެ ހިނގާ ގްރޯސަރީ ފިހާރަ

ރާއްޖޭގެ ބާޒާރުގައި ގްރޯސަރީ ސްޓޯރުތަކުގެ ތެރެއިން އާންމުންގެ އެންމެ ބޮޑު ތަރުހީބެއް އޮންނަ ފިހާރަތައް "މި" ނޫހުން ހޯދާލި އިރު އެއްވަނަ ހޯދަނީ  މަޝްހުރު "ރެޑްވޭވް" ފިހާރަ އެވެ. އެހެން ކަމުން މިވަގުތު އެއީ އެއްވަނަ އެވެ. 

ރާއްޖޭގެ ގްރޯސަރީ ސާމާނު ނުވަތަ އާއްމު ކޮންމެ ދުވަހަކު ގޭބިސީއަކަށް ބޭނުންވާ ކެއިން ބުއިމުގެ ސާމާނު ވިއްކާ ރިޓެއިލް ވިޔަފާރީގައި ރެޑްވޭވްއަކީ އެންމެ މަަޝްހޫރު އެއް ނަމެވެ. އަދި އެންމެ ފުޅާކޮށް ވިޔަފާރި ކުރާ އެއް ކުންފުންޏެވެ. ރެޑްވޭވް އިން މާލެ ސިޓީގައި 16 ފިހާރައެއް ހިންގަމުން ދެއެވެ.

މީގެ އިތުރުން އެ ކުންފުންޏަކީ ރާއްޖޭގެ އެންމެ ބޮޑެތި ފިހާރަތައް ހިންގާވެސް ކުންފުންޏެވެ. އެ ކުންފުނިން ހުޅުމާލޭގައި ހިންގާ "ރެޑްވޭވް މެގަމޯލް" އަކީ ރާއްޖޭގައި ހިންގާ ރީޓެއިލް އެންމެ ބޮޑު މޯލެވެ. އަދި އެ ކުންފުނިން މާލޭގައި ހިންގާ "ރެޑްވޭވް ސޯސަން" ފިހާރައަކީ މާލޭގެ އެންމެ ބޮޑު ފިހާރަ އެވެ. 

ރެޑްވޭވްގެ ފިހާރަތައް އާއްމުންގެ މަގުބޫލުކަން ހޯދާފައި ވަނީ އެ ކުންފުނީން ވިއްކާ ތަކެތީގެ އަގު ހެޔޮވުމުންނެވެ. "މި" ނޫހުން ހޮވި ރާއްޖޭގެ އެންމެ މަގުބޫލު ގްރޯސެރީ ފިހާރައިގެ ލިސްޓުގައި އެންމެ މަގުބޫލު ފިހާރައަކަށް ހޮވިފައިވަނީ މި ފިހާރަ އެވެ. 

ސަރުކާރުގެ 100 ޕަސެންޓް ހިއްސާވާ އެސްޓީއޯގެ ބޮޑު ފިހާރަ އެސްޓީއޯ ސުޕަމާކެޓަކީ ރާއްޖޭގެ އެންމެ ދުވަސްވީ އެއް ފިހާރަ އެވެ. އަދި ގިނަ ބަޔަކު ވަދެ ފަސޭހަ ކަމާއެކު ވިޔަފާރި ކުރެވޭނެ މާހައުލެއް އޮންނަ އެއް ފިހާރަ އެވެ. ދުވާލެއްގެ މައްޗަށް 5،000 މީހުން ވިޔަފާރި ކުރަން ވަންނަ މި ތަނަނީ އާއްމުންގެ މެދުގައި މަގުބޫލު އެއް ފިހާރަ އެވެ. މިތަނުގައި އެސްޓީއޯ އިން ގެންނަ އަގުހެޔޮ އުފެއްދުންތައް ޑިސްޕްލޭކޮށްފައި ހުރެެ އެވެ.  އަދި މިފަހުން އެސްޓީއޯ ސުޕަމާކެޓަށް ގެނެސްފައިވާ ބަދަލާއެކު އެތަނުގެ މާހައުލަށް ވަނީ އިތުރު ފުރިހަމަކަމެއް އައިސްފަ އެވެ. ރާއްޖޭގެ ގިނަ ބްރޭންޑްތަކާއެކު ގެނެސްފައިވާ މި ބަދަލުގެ ސަބަބުން ޝޮޕިން މޯލްއެއްގެ އިހުސާސް މި ފިހާރައެއް މިހާރު ލިބެ އެވެ. 

ރާއްޖޭގެ ގްރޯސެރީ އަދި އެހެނިހެން މުދާ ވިއްކުމުގެ މާކެޓުގައި އިހުސާސް ފިހާރައަކީ ވަރަށް ނަން މަޝްހޫރު ބްރޭންޑަކަށް ވެފައި ވެއެވެ.

މާލޭގެ ތިން އަވަށުގައި އެ ކުންފުނީގެ ފިހާރަތައް ހުރިއިރު އިހުސާން މިހާރު ވެފައި ވަނީ ހަމައެކަނި އާއްމު މުދާ ވިއްކާ ބްރޭންޑެއްގެ ގޮތުގައެއް ނޫނެވެ. މިހާރު އިހުސާން ފިހާރައިގެ ބްރޭންޑުގައި ހޯމް ގިނަ އައިޓަމްސް ވިއްކާ ފިހާރަ ވެސް ހިންގަމުންދެ އެވެ. 

ހެޕީމާކެޓް ޓްރޭޑިން ކޮމްޕެނީގެ ނަމުގައި ހިންގާ "ހެޕީމާކެޓް" ގެ ފިހާރައަކީ ޔޫރަޕުގެ އުފެއްދުންތައް ވިއްކަން ހާއްސަ ފިހާރަ އެވެ. ހެޕީމާކެޓުން މާލޭގައި ތިން ފިހާރައެއް ހިންގަމުން ގެންދާއިރު އެ ކުންފުނީން ގެންނަ އުފެއްދުންތައް ރީޓެއިލްކޮށް ވިއްކުމުގެ އިތުރުން ހޯލްސޭލް ވެސް ކުރަމުން ގެންދެ އެވެ.  

ލިލީ އިންޓަނޭޝަނަލްއަކީ މަޝްހޫރު ލިލީ އިސްޓޯރުގެ ނަމުގެ ތެރޭން އުފެދުނު ބައެވެ. ނަމަވެސް ޒަމާނީ ބަދަލުތައް ގެނެސް މުޅިން ވަކިން ހިންގަމުން ގެންދާ ލިލީ އިންޓަނޭޝަނަލްއިން ޒަމާނީ ގިނަ އުފެއްދުންތަކެއް ވިއްކަ އެވެ. 

މި ކުންފުނީގެ ފިހާރަތަކުން ވިއްކާ އެންމެ މަގުބޫލު އެއް އުފެއްދުމަކީ މަޝްހޫރު "މަމީ" ނޫޑުލްސް އެވެ. މީގެ އިތުރުން ލައިފް ޓޮމާޓޯ އާއި ސަންކުއިކް ޖޫހެވެ. 

ސޯސަން ފިހާރައިގެ ސޯސަން މާޓަކީ ރާއްޖޭގެ ގްރޯސެރީ މާކެޓުގައި ވަރަށް މަޝްހޫރު ނަމެކެވެ. ކުރިން ވަރަށް ބާރުގަދަ ނަމެއްގެ ގޮތުގައި އޮތް ނަމަވެސް މިހާރު އެ ނަމަށް ކޮންމެވެސް ވަރެއްގެ އަޑު މަޑު ވުމެއް އައިސްފައި ވެ އެވެ. އެކަމަކު އަދިވެސް މި ނަން ވެފައި ވަނީ ރާއްޖޭގެ ބާޒާރުގައި ވަރަށް ނުފޫޒު ގަދަ ނަމަކަށެވެ. މި ކުންފުނިން އެތެރެކުރާ އާއްމުންގެ މަގުބޫލު އެއް ބާވަތަކީ ޔޯގަޓެވެ. 

މަޝްހޫރު ޓޫރިޒަމް ބްރޭންޑް "ވިލާ" ކުންފުނީގައި ވަކިން ހިންގާ ވިލާމާޓަކީ ހަލުއި ކަމާއެކު ކުރިއަރަމުންދާ ވިޔަފާރި ޗެއިން އެކެވެ. ކޮވިޑަށްފަހު ރާއްޖޭގެ ގްރޯސެރީ ބާޒާރުން ފެނިގެން ދިޔަ ވިލާމާޓުގެ ތިން ފިހާރައެއް ގްރޭޓާ މާލެ ސަރަހައްދުގައި ހިންގަ އެވެ. 

"ލޮޓަސް ފިހާރަ" އަކީ ރާއްޖޭގެ ގްރޯސަރީ ބާޒާރުގައި ގިނަ ބަޔަކު ދަންނަ އެއް ނަމެވެ. ލޮޓަސްގެ ފިހާރައަކަށް ވެދެ ބަލައިލުމުން ނުލިބޭނެ އެއްޗެއް ނުހުންނާނެއޭ މިހާރު ގިނަ މީހުން ބުނެ އެވެ. ލޮޓަސް އިން ވިއްކާ އެންމެ މަޝްހޫރު އެއް އުފެއްދުމަކީ މޯލްޑިވިއަން އައިޑޮލްގައި އިސްތިހާރު ކުރި ބިސްކޮލާޓާ އެވެ. 

ބީއެމްއެމް ޓްރޭޑާސްއަކީ ވެސް އާއްމު މުދާ ފުޅާ ދާއިރާއެއްގައި ވިއްކާ ކުންފުންޏެވެ. މި ކުންފުނިން ގެންނަ މުދާ ހޯލްސޭލް ކޮށް ރީޓެއިލްކޮށް ވިއްކަ އެވެ. އަދި މި ކުންފުނިން ވިއްކާ އެންމެ މަޝްހޫރު އެއް އުފެއްދުމަކީ ކޯސްޓް ކިރެވެ. 

މާލޭގެ އެކި ދިމާއަށް ފެތުރިގެންފައިވާ "ޝޮޕް އެންޑް ސޭވް" ގެ ފިހާރަތަކަކީ ވެސް އެންމެ ހަލުވިކަމާއެކު ކުރިއަރަމުން ދާ އެއް ގްރޯސަރީ ވިޔަފާރި އެވެ. ޝޮޕް އެންޑް ސޭވްގެ ތިން ފިހާރައެއް މާލޭގެ އެކި ދިމާގައި ހިންގަމުން ގެންދެ އެވެ. އާންމުންގެ  ވަރަށް ގިނަ ބަޔަކު އަބަދުވެސް އެ ފިހާރައަށް ވަދެ ފުރާލާފައި އޮވެ އެވެ.