ހިޔާ ފްލެޓްތަކަށް ކަރަންޓް ލިބެން އަދި ދެ ގަޑިއިރު ވާނެ
ހިޔާގެ ބައެއް ޓަވަރުތަކުން ކަރަންޓުގެ ހިދުމަތް މެދުކެނޑިފައިވަނީ ހިޔާގެ ފުރަތަމަ ޓަވަރުގެ ސަބްސްޓޭޝަންގެ ސްވިޗްގިއާގެ ބަސްބާ ޝޯޓުވުމާއި ގުޅިގެންނެވެ.
ހިޔާ ފްލެޓްތަކަށް ކަރަންޓް ލިބެން އަދިވެސް ގިނައިރުތަކެއް ވާނެ ކަމަށް ކަރަންޓް ކުންފުނި ސްޓެލްކޯ އިން ބުނެފި އެވެ.
ހިޔާ ޓަވަރުތަކުން ކަރަންޓް ކެނޑުނީ މީގެ ދެ ގަޑިއެއްހާއިރު ކުރީންނެވެ. ކަރަންޓް ކުންފުނިން ބުނި ގޮތުގައި ހިޔާގެ ބައެއް ޓަވަރުތަކުން ކަރަންޓުގެ ހިދުމަތް މެދުކެނޑިފައިވަނީ ހިޔާގެ ފުރަތަމަ ޓަވަރުގެ ސަބްސްޓޭޝަންގެ ސްވިޗްގިއާގެ ބަސްބާ ޝޯޓުވުމާއި ގުޅިގެންނެވެ.
ސުވިޗްގިއާ ބަދަލު ކުރުމުގެ މަސައްކަތް މިހާރު ކުރިއަށް ދާ ކަމަށާ މި މަސައްކަތަށް ތިން ގަޑި އިރު ހޭދަވާނެ ކަމަށް ލަފާ ކުރެވޭ މީގެ ދޮޅުގަޑިއެއްހާ ކުރީން އެ ކުންފުނިން ކުރި ޓްވީޓެއްގައި ބުނެފައިވެެެއެވެ. އެހެންވީމަ އަދިވެސް ކަރަންޓް ލިބެން ވަގުތުތަކެއް ހޭދަވާނެ އެވެ.
"ހިޔާގެ ފުރަތަމަ ޓަޗަރުގައި މައްސަލަ ދިމާވެފައިވާ ސަބްސްޓޭޝަންގެ އާރްއެމް ޔުނިޓްގެ ބަދަލުގައި އެހެން އާރުއެމް ޔުނިޓެއް ގުޅާ އެ ސަބްސްޓޭޝަންގެ ކޭބަލްތައް އައު އާރުއެމް ޔުނިޓަށް ބަދަލު ކުރުމުގެ މަސައްކަތް މިހާރު ދަނީ ކުރެވެމުން،" އެ މަަސައްކަތް ކުރަމުންދާ މަންޒަރު ފެންނަ ފޮޓޯތަކާއެކު ސްޓްލެކޯ އިން ކުރި ޓްވީޓެއްގައި ބުނެފައިވެއެވެ.
ކޮމެންޓް
Republic of Maldives