ރައީސަށް އިންތިހާބު ފަސޭހަކޮށް ނެގޭނެ: އަލީ ޒާހިރު
އަލީ ޒާހިރު ވިދާޅުވި ގޮތުގައި ރައީސް ސޯލިހްގެ ލީޑާޝިޕްގައި އެމްޑީޕީ އިސްވެ އޮވެ އަދާލަތު ޕާޓީ އާއި އެމްޑީއޭ ހިމެނޭ ކޯލިޝަނުން އެކުގައި މަސައްކަތްކޮށް ކުރިއަށް އޮތް ރިޔާސީ އިންތިހާބު ފަސޭހަ ކަމާއެކު ކާމިޔާބު ކުރެވޭނެ އެވެ.
އެމްޑީޕީ އިސްވެ އޮވެ އަދާލަތު ޕާޓީ އާއި އެމްޑީއޭ ހިމެނޭ ކޯލިޝަނުން އެކުގައި މަސައްކަތްކޮށް ކުރިއަށް އޮތް ރިޔާސީ އިންތިހާބު ފަސޭހަ ކަމާއެކު ކާމިޔާބު ކުރެވޭނެ ކަމަށް ރައީސުލްޖުމްހޫރިއްޔާގެ އޮފީހުގެ ޗީފް އޮފް ސްޓާފް، އަދާލަތު ޕާޓީގެ ކުރީގެ ނާއިބު ރައީސް އަލީ ޒާހިރު މިރޭ ވިދާޅުވެއްޖެ އެވެ.
އޭނާ މިހެން ވިދާޅުވީ ރައީސް ސޯލިހްގެ ކޯލިޝަންގެ ތެރެއަށް ޖުމްހޫރީ ޕާޓީގެ ގެނެވޭނެ ކަމަށް ވަރަށް ބޮޑު އުންމީދެއްގައި ވަނިކޮށް ރިޔާސީ އިންތިހާބުގައި ވަކީން ވާދަކުރަން އެ ޕާޓީން ނިންމުމުން ކުރެއްވި ޓްވީޓެއްގައެވެ.
ސަރުކާރުގެ ތެރެއިން ޝަރުއީ ނިޒާމަށް ނުފޫޒު ފޯރުވުމުގައި މައިގަނޑު ދައުރު އަދާކުރައްވާ ކަމުގެ ތުހުމަތު އޮތް އަދި އެކަމާއި ގުޅިގެން ވަރަށް ގިނަ ބައެއްގެ ފާޑުކިޔުން އަމާޒުވެފައިވާ އަލީ ޒާހިރު ވިދާޅުވި ގޮތުގައި ރައީސް ސޯލިހްގެ ލީޑާޝިޕްގައި އެމްޑީޕީ އިސްވެ އޮވެ އަދާލަތު ޕާޓީ އާއި އެމްޑީއޭ ހިމެނޭ ކޯލިޝަނުން އެކުގައި މަސައްކަތްކޮށް ކުރިއަށް އޮތް ރިޔާސީ އިންތިހާބު ފަސޭހަ ކަމާއެކު ކާމިޔާބު ކުރެވޭނެ ކަމަށެވެ.
އޭނާގެ މި ޓްވީޓަށް ވަރަށް ގިނަ ބަޔަކު ވަނީ ފާޑުކިޔާފައެވެ.
ރިޔާސީ އިންތިހާބުގައި ވަކީން ވާދަކުރަން ޖުމްހޫރީ ޕާޓީން ނިންމާފައި މިވަނީ ކުރިއަށް އޮތް ރިޔާސީ އިންތިހާބުގައި ރައީސް ސޯލިހްގެ ފަަހަތްޕުޅަށް ވަޑައިގެން އެމަނިކުފާނަށް ދެވަަނަ ދައުރެއް ހޯއްދަވައި ދެއްވުމަށް އެދިވަޑައިގެން އެމަނިކުފާނު ސިޓީފުޅެއްވެސް ފޮނުއްވާފައި ވަނިކޮށެވެ.
އެމަނިކުފާނުގެ ފަރާތްޕުޅުން ފޮނުއްވެވި މަންދޫބުންނާއެކު ގާސިމް ވަނީ އެ މަޝްވަރާތައްވެސް ކުރިއަށް ގެންދަވާފައެވެ. އަދި ގާސިމްގެ ތާއީދު އެކަމަށް ހޯއްދެވުމަށް އަދާލަތު ޕާޓީގެ ރައީސް އިމްރާން އަބްދުﷲވެސް ވަނީ ގާސިމާއެކު މަޝްވަރާތައް ބާއްވަވާފައެވެ.
ކުރީންވެސް ބޮޑަށް ބެލެވިފައި އޮތީ މި ފަހަރުގެ އިންތިހާބުގައި ގާސިމް ވާދަކުރައްވާނެ ކަމަށެވެ. އެއީ ގާސިމަށް ފުރުސަތު ފަހިވެފައި އޮތުމުންނެވެ. ރައީސް ސޯލިހްގެ ވިސްނުންފުޅަކީ މިހާރު ކޯލިޝަންގައި އޮތް ޕާޓީތަކާއެކު އަލުން ކޯލިޝަނެއް އެކުލަވާލާ ރިޔާސީ އިންތިހާބު އެއްބުރުން ކާމިޔާބު ކުރެއްވުމެވެ. އިންތިހާބަށް ބޮޑު ކޯލިޝަނެއް އެކުލަވާލެވޭނެ ކަަމަށާ އެއްބުރުން އިންތިހާބު ކާމިޔާބު ކުރެވޭނެ ކަމަށްވެސް އެމަނިކުފާނު ގެންދެވީ ތަކުރާރުކޮށް ވިދާޅުވަމުންނެވެ.
ކޮމެންޓް
Republic of Maldives