އުރީދޫއަށް މިދިޔަ އަހަރު 1.9 ބިލިއަން ރުފިޔާގެ ފައިދާއެއް ލިބުނެވެ. ނަމަވެސް ހިއްސާދާރުންނަށް ބަހަން ލިބުނީ 3.04ލ. އެވެ.
އުރީދޫ މޯލްޑިވްސްގެ ހިއްސާދާރުންނަށް މިދިޔަ އަހަރުގެ ފައިދާއިން 3.04ރ. ބަހަން ރޭ ވަނީ ފާސް ކޮށްފަ އެވެ. މި އަދަދަކީ އޭގެ ކުރީ އަހަރު ބެހި 2.70ރ. އާ އަޅާބަލާ ނަމަ 0.34ލ. އެވެ.
މުއާސަލާތީ ހިދުމަތް ރާއްޖޭގައި ދީގެން ބޮޑު ފައިދާއެއް ހޯދާ އުރީދޫން ރޭ ކްރޮސްރޯޑުގައި ބޭއްވި އަހަރީ އާއްމު ޖަލްސާގައި 125 ހިއްސާދާރުން ބައިވެރިވެ، 135،649،994 ހިއްސާދާރުން ތަމްސީލް ކޮށްފައި ވެއެވެ.
މި ހިއްސާދާރުންގެ 87 ޕަސެންޓުގެ ވޯޓުން ވަނީ ހިއްސާގެ ފައިދާ ބަހަން ނިންމާފަ އެވެ.
އުރީދޫއަށް މިދިޔަ އަހަރު 1.9 ބިލިއަން ރުފިޔާގެ އާމްދަނީއެއް ލިބުނުއިރު، ކޮވިޑް-19 ގެ ކުރީގައި އެ ކުންފުންޏަށް އާމްދަނީގެ ގޮތުގައި ދެ ބިލިއަން ރުފިޔާ ލިބެމުން ދިޔަ އެވެ.