ވެންޓިލޭޓަރު މައްސަލާގައި ފިނޭންސުން ގޯހެއް ނުހަދާ: އަމީރު
މިނިސްޓަރު ވިދާޅުވީ އެ މައްސަލައާ ގުޅިގެން ޕްރޮކިއުމަޓް ހަރުދަނާ ކުުރަން އޭސީސީން އެންގި ކަމަށާއި ސަމާލު ކަމަށް ގެނައި ކަންކަން ފުރިހަމަވެސް ކޮށްފައިވާ ކަމަށެވެ.
ސަރުކާރުން އާބިޓިރޭޝަނަށް ހުށަހަޅާފައިވާ ކޮވިޑް ވެންޓިލޭޓަރުތަކުގެ މައްސަލާގައި ފިނޭންސްގެ މުވައްޒަފުންގެ އިހުމާލެއް ނެތް ކަމަށް މިނިސްޓަރު އިބްރާހިމް އަމީރު މިއަދު މަޖިލީހުގައި ވިދާޅުވެއްޖެ އެވެ.
މިނިސްޓަރު އެ ޖަވާބު ދެއްވީ ވިލުފުށީ ދާއިރާގެ މެމްބަރު ހަސަން އަފީފު މަޖިލިސް ސުވާލު ވަގުތުގައި އަމާޒު ކުރެއްވި ސުވަލަކާ ގުޅިގެނެވެ.
އަފީފުގެ ސީދާ ސުވާލަކީ ކޮވިޑްގެ ތެރޭގައި ވެންޓޓިލޭޓަރު ގަންނަން ސަރުކާރުން ދުބާއީގެ އެގްޒިކިއުޓާސް ޖެނެރަލް ޓްރޭޑިންއަށް 31 މިލިއަން ރުފިޔާ މާލިއްޔަތު ގާނޫނާ ހިލާފަށް ދޫކުރެއްވީ ކީއްވެތޯ އެވެ؟ އެކަމާ ފިނޭންސް މުވައްޒަފަށް އެޅި ފިޔަވަޅަކީ ކޮބައިތޯ އެވެ؟
މަޖިލީހުގައި މިނިސްޓަރު އަމީރު ވިދާޅުވީ އެކަން ބެލި އިރު ފިނޭންސް މިނިސްޓްރީ އުސޫލުތަކާއި ހިލާފަށް އެއްވެސް ކަމެއް ކޮށްފައެއް ނެތެވެ. އެފަދަ ކަމެއް ފާހަގައެއް ނުވެ އެވެ. އަދި އެކަމުގެ އެއްވެސް ތަހުގީގަކުން ފިނޭންސް މުވައްޒަފަކަށް ފިޔަވަޅު އަޅާން އަންގާފައި ނުވާ ކަމަށެވެ. އެހެން ނަމަވެސް މިނިސްޓަރު ވިދާޅުވީ އެ މައްސަލައާ ގުޅިގެން ޕްރޮކިއުމަޓް ހަރުދަނާ ކުުރަން އޭސީސީން އެންގި ކަމަށާއި ސަމާލު ކަމަށް ގެނައި ކަންކަން ފުރިހަމަވެސް ކޮށްފައިވާ ކަމަށެވެ.
މަޖިލީހުގައި އަފީފް މިއަދު ވިދާޅުވީ ވެންޓިލޭޓަރުގެ ފައިސާ ޖަމާކުރަން އަމީރު ފުރަތަމަ އެންގެވީ އަމިއްލަ ފަރާތެއްގެ އެކައުންްޓަށްކަން އެނގިފައިވާ ކަމަށާއި ސިސްޓަމް ތެރެއިން އެގޮތަށް ނުކުރެވުމުން ކުންފުނީގެ އެކައުންޓަށް ފަހުން ޖަމާ ކުރީ ކަމަށެވެ. އެއާ ވިއްދައި އަމީރު ވިދާޅުވީ އެކަމުގައި މިނިސްޓްރީގެ އެއްވެސް މުވައްޒަފަކު ގާނޫނާ ހިލާފަށް އަމަލު ކުރިކަން އެނގިފައިނުވާ ކަމަށެވެ.
ކޮމެންޓް
Republic of Maldives