ފައިގަތަޅާ ފޯރި - 58 ޓީމު އެއް ފޯރިއެއްގައި ކުރިޔަށް
މުބާރާތް ހާއްސަވަނީ ސަރުކާރު އޮފީސްތަކާއި އަމިއްލަ ކުންފުނިތަކަށެވެ. މި މުބާރާތުގައި ފޯރި ފެންނަނީ ވަރަށް ގަދަކޮށެވެ.
މުބާރާތް ފެށެން ކައިރިވަމުން ދިޔަވަރަކަށް ހުޅުމާލެ ރުއްގަނޑަކަށް ދިޔައީ މީހުން ޖަމާވަމުންނެވެ. މިއީ މުބާރާތެއްގެ ގޮތުގައި ނުބާއްވާއިރު ވެސް ދިވެހިންގެ ދަންނަ ކުޅިވަރެކެވެ. އެކަމަކު މިއަދު މިއޮތީ ބޮޑު ކުޅިވަރުގެ ކަންތައް ގަނޑަކަށް ބަދަލުވެ ބޮޑު މުބާރާތަކަށް ވެފަ އެވެ. މިހާރު ފަށައިގެން ކުރި އަށް ފައިގަތަޅާ ފޯރިން ފެންނަނީ އެކަމެވެ.
ޔުނީކް ސްޕޯޓިން އިން އިންތިޒާމުކޮށްގެން "މި" ނޫހުން މީޑިއާ ޕާޓްނަރުކަން ނަގާފައިވާ މި ކުޅިވަރު މުބާރާތުގައި މި އަހަރު 58 ޓީމެއް ބައިވެރިވި އެވެ. މިދިޔަ އަހަރު ބައިވެރިވީ 32 ޓީމެކެވެ. އަންހެން 27 ޓީމަކާއި ފިރިހެން 31 ޓީމެއް މުބާރާތުގައި ވާދަކުރާނެ އެވެ. މި އަހަރުގެ މުބާރާތް އިއްޔެ ހަވީރު ފައްޓަވައި ދެއްވީ ހުޅުމާލެ ދާއިރާގެ މެންބަރު އަލީ ނިޔާޒު އެވެ. މި ރަސްމިއްޔާތުގައި މިފްކޯގެ މެނޭޖިން ޑިރެކްޓަރު އިސްމާއިލް ފައުޒީ ވެސް ބައިވެރި ވިއެވެ.
މުބާރާތުގެ އަންހެން އަދި ފިރިހެން ޓީމް ކެޓަގަރީ ކުރިއަށް ދަނީ އަށް ގްރޫޕަކަށް ބަހާލައިގެނެވެ. މުބާރާތް އިންތިޒާމު ކޮށްފައިވާ ގޮތުން ފޯރި ފެންނަނީ ވަރަށް ގަދަކޮށެވެ.
ސްޕޮންސަރުންނާއި ޕާޓްނަރުން
- އޮފިޝަލް ޕާޓްނަރު -- ޔޫތު މިނިސްޓްރީ
- ސްޕޯޓިން ޕާޓްނަރު -- މިފްކޯ ، ސައިބްރިއު ، މުލަމޯލްޑިވްސް ، ހިލްޓޮޕް
- ޑިޖިޓަލް ޕާޓްނަރު -- ދިރާގު
- ހޮސްޓިން ޕާޓްނަރު -- އެޗްޑީސީ
- މީޑިއާ ޕާޓްނަރު -- މި
މުބާރާތް ކުރިއަށްދާއިރު ޓީމުތަކުގެ ފޯރި ފެންނަނީ ވަރަށް ގަދަކޮށެވެ. މި މުބާރާތަކީ ސަރުކާރު އޮފީސްތަކާއި ކުންފުނިތަކުގެ ފާދަ ފެންނަ މުބާރާތަކަށްވާތީ ޓީމުތަކުގެ މެދުގައި ވާދަވެރިކަން އޮތީ އިންތިހާ އަށެވެ. މުބާރާތް ކުރިއަށްދާ ތަނުން ފެންނަނީ އެ އަޑެވެ.
ފައިގަތަޅާ ފޯރީގެ ގަވާއިދުތައް ހަދަމުން ގެންދަނީ ޔުނީކްސްޕޯޓިންނެވެ. މުބާރާތް ކުރިއަށްދާ ވަރަކަށް މި ގަވައިދު އިމްޕްރޫވް ކޮށް އެ ތަރައްގީކޮށް ފުރިހަމަ ކުރުމުގެ މަސައްކަތް އެ ކުންފުނިން ދަނީ ކުރަމުންނެވެ.
ކޮމެންޓް
Republic of Maldives