ނާޒިމް ދެއްކެވި ވާހަކައަށް ތޯރިގު ފާޑު ކިޔައިފި
ނާޒިމަކީ ވެސް ރިޔާސީ އިންތިހާބުގައިވާ ވާދަ ކުރައްވާ ބޭފުޅެވެ. އެ ޕާޓީން ރިޔާސީ ޕްރައިމަރީއަަަށް ހުޅުވާލުމުން ކުރިމަތިލެއްވީ ނާޒިމް އެކަންޏެވެ.
ޖަލު ބަންދުގައި ހުންނެވި ރައީސް އަބްދުﷲ ޔާމީން މިނިވަންކޮށް ރިޔާސީ އިންތިހާބުން ފުރުސަތު ދޭން ޖެހޭނެ ކަމަށް އެމްއެންޕީގެ ރައީސް މުހައްމަދު ނާޒިމް ވިދާޅުވުމުން ޕީޕީއެމްގެ ސެންޓަރު އަދި ރައްޔިތުންގެ މަޖިލީހުގެ މަހިބަދޫ ދާއިރާގެ މެންބަރު އަހުމަދު ތޯރިގު ފާޑު ވިދާޅުވެއްޖެ އެވެ.
ނާޒިމް ރައީސް ކަން ކުރައްވާ އެމްއެންޕީގެ ޖަގަހައެއްގައި ރޭ ނާޒިމް ވިދާޅުވީ ކުރިއަށް އޮތް ރިޔާސީ އިންތިހާބުގައި ވާދަ ކުރައްވަން ނިންމާ އިދިކޮޅު ދެ ޕާޓީގެ ރިޔާސީ ޓިކެޓް އަރުވާފައިވާ ކުރީގެ ރައީސް ޔާމީނަށް ރިޔާސީ އިންތިހާބުގައި ވާދަ ކުރެެވެން ވާނެ ކަމަށެވެ. ޒާތީ ހަސަދަ ދޫކޮށްލައި ވެރިކަން ކުރައްވާފައި ތިއްބެވި ބޭފުޅުން ޖަލަށްލާން ޖެހޭ ކަަމަށް ދެކޭ ސަގާފަތް ވެސް ނައްތާލަން ޖެހޭ ކަމަށެވެ.
ނާޒިމަކީ ވެސް ރިޔާސީ އިންތިހާބުގައިވާ ވާދަ ކުރައްވާ ބޭފުޅެވެ. އެ ޕާޓީން ރިޔާސީ ޕްރައިމަރީއަަަށް ހުޅުވާލުމުން ކުރިމަތިލެއްވީ ނާޒިމް އެކަންޏެވެ.
ރައީސް ޔަމީނާ ގުޅުވައި އެފަދަ މޭރުމަކު ވާހަކަފުޅު ދެއްކެވުމުން ތޯރިގު ވިދާޅުވީ އެއީ "ރައީސް ޔާމިންގެ ސަޕޯޓަރުންގެ ވޯޓް ލިބޭނެ ކަމަށް ދެއްކެވި ވާހަކައެއް ނަމަ ހިތާމަހުރި" ކަަމަށެވެ. އަދި "ރައީސް ޔާމިން ކުރައްވަނީ ރާއްޖެ މިނިވަންކުރުމުގެ ޖިހާދެ"އް ކަމަށެވެ.
"ނާޒިމްއެވެ! ތިއީ ރައީސް ޔާމިންގެ ސަޕޯޓަރުންގެ ވޯޓް ލިބޭނެ ކަމަށް ދައްކަވާ ވާހަކައެއް ނަމަ ހިތާމަހުއްޓެވެ. ރައީސް ޔާމިން ކުރައްވަނީ ރާއްޖެ މިނިވަން ކުރުމުގެ ޖިހާދެކެވެ. އިންޑިޔާ ސިފައިން މިހާރުން މިހާރަށް ފައިބަން ގޮވާލަބަލާށެވެ. ތިހުރި ދިމާލެއް ސާފުވާނީ އޭރުންނެވެ." ތޯރިހުގެ ޓްވީޓްގައި ވިދާޅުވެފައި ވެއެވެ.
ނާޒިމް ރޭ ވަނީ ރައީސް ޔާމީންގެ ވެރިކަމުގައި ނުހައްގުން ޖަލުގައި ހޭދަ ކުރައްވަން ޖެހިވަޑައިގަތް ދުވަސްތަކުގެ ހަނދާންތައް އާ ކުރައްވާފަ އެވެ. އަދި ޖަލު ތަޖުރިބާ ހިއްސާ ކުރައްވާ ނާޒިމް ވިދާޅުވީ އެއީ ފަސޭހަ ތަނެއް ނޫން ކަމަށާއި އެކަނި ތަނަކަށް މީހަކު ލާފައި ދެ ދުވަސް އެކަނި ހޭދަކޮށްލުމުން ވެސް އެއީ ކިހާވަރެއްގެ ކަމެއްކަން އިހުސާސް ކޮށްލެވޭނެ ކަމަށެވެ.
ނާޒިމް ވިދާޅުވީ ރައީސް ޔާމީން ޖަލުގައި އޮތުމުން ކަންބޮޑުވެވަޑައިގަންނަވާ ކަމަށެވެ. ރައީސް ޔާމީނަށް އިންސާފު ކަށަވަރު ކޮށްދެޭން ގޮވާލައްވާ ކަމަށާއި ރިޔާސީ ރޭހުން އެމަނިކުފާނަށް ފުރުސަތު އޮންނަން ވާނެ ކަމަށެވެ.
"ރިޔާސީ ރޭހަށް ނުކުމެވަޑައިގަންނަވާނެ ކަމަށް ވިދާޅުވެފައިވާ ޕާޓީއެއްގެ ލީޑަރެއް ޖަލުގައި އޮތުން އެއީ ވަރަށް ކަންބޮޑުވާ ކަމެއް. ރައީސް ޔާމީން ޖަލުގައި އޮވެގެން ނުވާނެ. ރިޔާސީ އިންތިހާބުގައި ވާދަ ކުރެވެން ވާނެ އެ ބޭފުޅާއަށް،" ނާޒިމް ވިދާޅުވި އެވެ.
ތިއީ ރައީސް ޔާމިންގެ ސަޕޯޓަރުންގެ ވޯޓް ލިބޭނެ ކަމަށް ދައްކަވާ ވާހަކައެއް ނަމަ ހިތާމަހުއްޓެވެ! ރައީސް ޔާމިން ކުރައްވަނީ ރާއްޖެ މިނިވަން ކުރުމުގެ ޖިހާދެކެވެ. އިންޑިޔާ ސިފައިން މިހާރުން މިހާރަށް ފައިބަން ގޮވާލަބަލާށެވެ،
އަހުމަދު ތޯރިގު | މަހިބަދޫ ދާއިރާ
އެ ހުކުމަށް ހައިކޯޓުން ވެސް ތާއީދު ކުރިއެވެ. ނަމަވެސް އެއީ ފްރޭމް ކުރުމުގެ އަމަލެއް ކަމަށް ކަނޑައަޅާ ނާޒިމްގެ މައްޗަށް އިއްވާފައިވާ ޖަލު ހުކުމް ސުޕްރީމް ކޯޓުން ބާތިލުކުރީ ޑިސެންބަރު 13، 2018 ވަނަ ދުވަހުގެ ރޭގެ ވަގުތެއްގަ އެވެ.
ކޮމެންޓް
Republic of Maldives