ޝަފީއާގެ ތައުރީފު ފޮނުވާލެއްވީ ރައީސް ޔާމީނަށް
ޝަފީއާއަކީ އެމްޑީޕީގެ ރައީސް މުހައްމަދު ނަޝީދުގެ އަރިސް ބޭފުޅެކެވެ. އޭނާ އަކީ އެމްޑީޕީ އުފެދުނީއްސުރެ ރައީސް މުހައްމަދު ނަޝީދަށް ތާއީދު ކުރައްވާ، ރައީސް ނަޝީދު ގެ ސިޔާސަތުތައް ޕްރޮމޯޓް ކޮށް ދެއްވުމުގައި އުޅުއްވާ އިލްމީ ވެސް ބޭފުޅެކެވެ.
ރައީސް އަބްދުﷲ ޔާމީން އަބްދުލްގައްޔޫމަށް ތައުރީފު ކުރައްވައި ޝަފީއާ ޒުބައިރު ވާހަކަފުޅު ދައްކަވައި ޓްވީޓްތަކެއް ކުރައްވައިފި އެވެ.
ޝަފީއާގެ ފަރާތްޕުޅުން މިފަދަ ޓްވިޓްތަކެއް އައީ އެމްޑީޕީގެ ދެ ފެކްޝަންގެ ތެރެއިން ރައީސް މުހައްމަދު ނަޝީދުގެ "ފިކުރެއްގެ ދިރުން" ފެކްޝަނުން ރައީސް އިބްރާހިމް މުހައްމަދު ސޯލިހުގެ ފެކްޝަނަށް އަދި ސަރުކާރުގެ ކަންކަމަށް ފާޑު ކިޔުން ފުޅާ ކޮށްފައިވާ ދަނޑިވަޅެއްގައި ސަރުކާރުން މާލޭގެ އަމީނީ މަގުގެ މަސައްކަތް ގެންދާ ގޮތަށް އޮތް ފާޑު ކިޔުމުގެ ތެރޭން އޭނާއާ އަމާޒުވި ސުވާލަކާ އެކުއެކީ އެވެ.
އަމީނީގެ މަގުގެ މަސައްކަތާ ގުޅުވާލައްވައި ޝަފީއާ އިއްޔެ ޓްވިޓާގައި ލިޔުއްވާފައި ވަނީ މިހެނެވެ:
"ހެޔޮ ނުވާނެ މީހަކު ފޮނުވާބަލަ ރައީސް ޔާމީން އަރިހަށް! މަގެއްގައި ތާރު އަޅާ ގޮތް ކިޔައި ދެއްވާނެ،"
އޭނާގެ އެ ޓްވީޓާ ގުޅިގެން އެހެން މީހަކު ވެސް ޝަފީއާއަށް ސުވާލެއް އަމާޒު ކުރެ އެވެ. އޭނާ އަހާފައި ވަނީ ރައީސް ޔާމީން ކުރެން 13 އަހަރަށް މީހަކު ޖަލަށްލާނެ ގޮތް ޝަފީއާ އައްސަވައި ދެއްވުމަށެވެ. އަދި އޭރަށް ވަރަށް ލޯބިން ރައީސް ޔާމީން ވިދާޅުވެ ދެއްވާނެ ކަމަށެވެ.
އެއަށް ވެސް ޝަފިއާ ވަނީ ރައްދު ދެއްވާފަ އެވެ. ވިދާޅުވީ އެ ސުވާލު ރައީސް ޔާމީން އަރިހު އެއްސެވި ކަމަށާއި ރައީސް ޔާމީން ޖަވާބު ދެއްވީ ލޯބިން ނޫން ކަމަށެވެ.
ދެން ވިދާޅުވެފައި ވެއެވެ: "މަ ގެންދިޔައީ ދޫނިދޫއަށް ބިޑި އަޅާފަ، 18 މަސް ދުވަހު ޕާސްޕޯޓް ހިފަހެއްޓި، 18 މަސް ދުވަހު ކޯޓަށް ދެމި، ހަމަސް ދުވަހުގެ ޖަލު ހުކުމް ކުރި ފަސް އަހަރުގެ ކުށުގެ ރިކޯޑް ހަދިޔާ ކުރި... އެކަމަކު މާލޭގައި ހުރި އެންމެ ރީތި އެންމެ ރަނގަޅު މަގު ހެދީ ރައީސް ޔާމީން"
އަދި އެއީ ފެކްޓް ކަމަށް ވެސް ޝަފީއާ ވިދާޅުވެފައި ވެއެވެ.
މީގެ އިތުރުން ޝަފީއާ ވަނީ ދައުލަތުގެ ފައިސާން ވައްކަން ކުރި މީހުންގެ ތެރޭން ރައީސް ޔާމީން އެކަނި ޖަލުގައި ހުންނެވީ ކީއްވެގެންތޯ ވެސް އައްސަވާފަ އެވެ، އެމްއެމްޕީއާރްސީގެ ފައިސާގައި ޖެހުނު މީހުން ކޮބައިތޯ އައްސަވާ އެމީހުންގެ މައްސަލަ ތަހުގީގު ނުކުރަނީ ކީއްވެގެންތޯ ވެސް ސުވާލު ކުރައްވާފައި ވެއެވެ.
"ވެރިކަން ނިމެނީ އެކަމަކު މިކަން ނުކުރި ކީއްވެ؟"
ހުކުމް އިއްވި މީހުންގެ ތެރޭ އެންމެ މީހަކު ފިޔަވައި ދެން ތިބީ މުޅިން ވެސް އަންހެނުންނެވެ. އޭގެ ތެރޭގައި ޝަފީއާ ހިމެނި ވަޑައިގަންނަވަ އެވެ. އެ މީހުންގެ މައްޗަށް ދައުވާ އުފުލާފައިވަނީ އެއްވެ އުޅުމުގެ ގާނޫނާ ހަވާލާދީ ގާނޫނުލް އުގޫބާތުގެ 88 ވަނަ މާއްދާގެ ހ. ގެ ދަށުންނެވެ.
ކޮމެންޓް
Republic of Maldives