އިންސްޓަގްރާމްގެ އެހީގައި މަގުބޫލު ތަންތަން

އިންސްޓަގްރާމާއި ފޭސްބުކް ފަދަ ސޯޝަލް މީޑިއާ ޕްލެޓްފޯމް ތަކުގައި ވިޔަފާރިއަށް އޮންނަ ފުރުސަތުތައް ވަރަށް ގިނަ އެވެ. މިއިން އެޕްލިކޭޝަނެއްގައި އާ ފީޗާއެއް ހިމެނި ނަމަވެސް، ވިޔަފާރި ޕްރޮމޯޓްކޮށް މާކެޓްކުރާ މީހުންނަށް ވެސް ފަސޭހަ ގޮތްތަކެއް ހަދައިދީފައި ހުރެ އެވެ.

އެންޑްރޮއިޑް އަދި އައިފޯންގައި އިންސްޓަގްރާމް ބޭނުންކުރާ މީހުން އެދޭނެ ކަމަށް ބަލައި އިންސްޓްގްރާމް މެދުވެރިކޮށް -- ޗާޓުން ތަންތަން ދައްކައިދޭ ފީޗާއެއް މިފަހުން ވަނީ ތައާރުފު ކޮށްފަ އެވެ.

މި ފީޗާގެ ސަބަބުން ލޯކަލް ވިޔަފާރިތައް ހޯދައި، ވަށައިގެން ހުރި މަޝްހޫރު ތަންތަން ފަސޭހައިން ބަލާލެވެ އެވެ. އޭގެ ތެރޭގައި ކޮފީ ޝޮޕްތަކާއި، ސެލޫން އަދި ރީތިވާ ސާމާނު ވިއްކާ ތަންތަން ވެސް ހިމެނެ އެވެ.

އިންސްޓްގްރާމް ހުޅުވާލުމަށް ފަހު އަމިއްލަ ފީޑްގައި ނުވަތަ ރައްޓެއްސެއްގެ ސްޓޯރީއެއްގައި އިންނަ ޕޯސްޓެއްގެ ލޮކޭޝަން ޓެގެއްގައި އިނގިލި ޖައްސާލާށެވެ. އެ ވަގުތަކު އެ މީހަކު ހުރި ތަން ވަށައިގެން ބަލައި ހޯދައިދެ އެވެ.

މި ފީޗާގައި ހިމެނޭ އެންމެ ޝައުގުވެރި ކަމަކީ "އެކްސްޕްލޯ ޓެބް" މެދުވެރިކޮށް، މެނުއަލްކޮށް ވެސް ލޮކޭޝަންތައް ހޯދައިލެވުމެވެ. "ސާޗް ބާ" ގައި ހޯދާ ތަނެއްގެ ނަން ޓައިޕްކުރުމުން ވެސް އެ ތަނެއް ހޯދައިދެ އެވެ.

އިންސްޓަގްރާމް މެދުވެރިކޮށް ކެފޭއެއް ހޯދާ ނަމަ، "ކެފޭ" ޖަހާލުމުން ހުރިހާ ކެފޭތައް ލިސްޓް ކުރެވެ އެވެ. އަދި މިފަދައިން ބޯކޮށާ ތަންތަނާއި ހެދިކާ -- ފާސްޓް ފުޑް ކޯނާތައް ވެސް ލިސްޓް ކުރެވެ އެވެ.

މިތަނުގައި ފާހަގަ ކޮށްލަން ބޭނުންވާ ނުކުތާއަކީ މި ލިޔުމުގައި އިންސްޓްގްރާމްގެ ވާހަކަ ދެއްކި ނަމަވެސް، މިފަދަ "ލޮކޭޝަން" ފީޗާތައް ޚާއްސަ ވަނީ ހަމައެކަނި އިންސްޓްގަރާމަށް އެކަނި ނޫން ކަމެވެ. ވާދަވެރި ޕްލެޓްފޯމްތަކުގައި މި ފީޗާ މިހާޜު ހުރީ ހިމަނާފަ އެވެ.

ސްނެޕްޗެޓުގައި ވެސް މިފަދަ "މެޕް ބޭސްޑް" -- ތަންތަން ލިސްޓްކޮށް ދައްކައިދޭ ފީޗާތައް ހުރީ ހިމަނާފަ އެވެ.