މާލެއާ ހުޅުމާލޭގެ ބައެއް ސަރަހައްދުތަކުން މާދަމާ ކަރަންޓު ކެނޑިދާނެ
އެ ކުންފުނި މިއަދު ބުނީ އެ ކުންފުނިން ދެމުންދާ ހިދުމަތް އިތުރަށް ރަނގަޅު ކުރުމަށްޓަކައި ގާއިމުކޮށްފައިވާ ޑިސްޓްރިބިއުޝަން ސްކާޑާގެ އެންމެ ފަހުގެ ޓެސްޓުތައް ހެދުން މާދަމާ ކުރިއަށް ދާނެ އެވެ.
މާދަމާ މާލެއާ ހުޅުމާލޭގެ ދެ ސަރަހައްދަކުން ކަރަންޓު ކެނޑުމަކީ އެކަށީގެންވާ ކަމެއް ކަމަށް ކަރަންޓް ކުންފުނި ސްޓެލްކޯއިން ބުނެފި އެވެ.
އެ ކުންފުނި މިއަދު ބުނީ އެ ކުންފުނިން ދެމުންދާ ހިދުމަތް އިތުރަށް ރަނގަޅު ކުރުމަށްޓަކައި ގާއިމުކޮށްފައިވާ ޑިސްޓްރިބިއުޝަން ސްކާޑާގެ އެންމެ ފަހުގެ ޓެސްޓުތައް ހެދުން މާދަމާ ކުރިއަށް ދާނެ ކަމަށެވެ. އެހެން ކަމުން މާދަމާ ހެނދުނު 6:00 އާއި 6:30 އާ ދޭތެރޭ މާލެއާ ހުޅުމާލޭގެ ބައެއް ސަރަހައްދުތަކުން ކަރަންޓު ކެނޑުމަކީ އެކަށީގެންވާ ކަމެއް ކަމަށެވެ.
ކަރަންޓު ކެނޑިދާނެ ސަރަހައްދުތައް
- މާލެއިން -- މަޖީދީމަގާއި، ޗާންދަނީމަގު، ކުދީނާގޯޅި، ކުދިރަތްމާ ގޯޅި، ދިލްބަހާރު މަގާއި، ދިލްބަހާރު ގޯޅި، އަލިކިލޭގެފާނު މަގާއި، ސަހަރާމަގު، ނިޔަނދުރުގޯޅި، ރާދަފަތި ހިނގުން އަދި ބޮޑުރަސްގެފާނު މަގުގެ އިތުރުން، ހުވަފެނީގޯޅި އާއި ދޮނަދަރާދަ ހިނގުމުން
- ހުޅުމާލެއިން -- ފިލިގަސްމަގު، ނިރޮޅުމަގު، ކަނީރުމަގު، ރީތިގަސް ހިނގުން، ކެލާ މަގު، ކާނިމަގު، ނިރޮޅުމަގު ގޯޅި 19 އަދި 20، ޗަނބޭލީމަގު ގޯޅި 4،5،6،7 އަދި 9 ގެ އިތުރުން ބުރެވިގަސްމަގާއި ހަލަވެލި މަގުން
ސްޓެލްކޯއިން ވަނީ ކަރަންޓު ކެނޑުމުގެ ސަބަބުން އާންމުންނަށް ދިމާވެދާނެ ދަތިތަކަށް މާފަށް އެދިފަ އެވެ.
ކޮމެންޓް
Republic of Maldives