ޖެނިފާގެ ބަރަހަނާ މަންޒަރު ލީކުކޮށްލާނެ ކަމަށް އިންޒާރު ދީފި

"މޯލްޑިވިއަން" ގެ ޑެޕިއުޓީ މެނޭޖިން ޑިރެކްޓަރު، އާއިޝަތު ޖެނިފާގެ ބަރަހަނާ މަންޒަރު ލީކު ކޮށްލާނެ ކަމަށް ބުނެ އޭނާއަށް އިންޒާރެއް ދީފި އެވެ.

ޖެނީފާއަށް އިންޒާރު ދީފައި ވަނީ ޓުވިޓާ މެދުވެރިކޮށް އޭނާއަށް ފޮނުވި މެސެޖަކުންނެވެ. 

ޓުވިޓާގައި އެ މެސެޖުގެ ސްކްރީންޝޮޓެއް ހިއްސާ ކުރައްވަމުން ޖެނިފާ ވިދާޅުވީ އެފަދަ މަންޒަރެއް އަތުގައި ހުރި މީހެއް ނަމަ ލީކު ކުރަންވީ ކަމަށާއި، އެކަމާ އެއްވެސް ފަރުވާލެއް އޭނާގެ ނެތް ކަމަށެވެ.

ޖެނިފާއަށް މިފަދަ އިންޒާރެއް ދީފައި މިވަނީ އެމްޑީޕީގެ ޕްރައިމަރީއަށް ފަހު، އެތެރޭގެ ކޯޅުންގަނޑު ހޫނުވެ ޕާޓީގައި ރައީސް އިބްރާހިމް މުހައްމަދު ސޯލިހުގެ ފެކްޝަނާއި ރައީސް މުހައްމަދު ނަޝީދުގެ "ފިކުރެއްގެ ދިރުން" ފެކްޝަންގެ ކޯޅުމާއި ބަހުގެ ހަމަލާތައް ވަރަށް ގަދަޔަށް ބަދަލު ކުރަމުންދާ ދަނޑިވަޅެއްގަ އެވެ. 

މިދިއަ ރިޔާސީ ޕްރައިމަރީގެ ތެރޭގައި އޭނާ ތާއީދު ދެއްވައިގެން ހުންނެވީ ރައީސް މުހައްމަދު ނަޝީދަށެވެ.

މޯލްޑިވިއަންގެ ޖެނިފާއަކީ ސަރުކާރު އިސް ވަޒީފާއެއްގައި ހުންނަވައިގެން ރައީސް މުހައްމަދު ނަޝީދުގެ "ފިކުރެއްގެ ދިރުން" ފެކްޝަނުގައި ހުންނެވި ކަން ރަސްމީކޮށް ފާޅު ކުރި މަދު މީހުނާއި ބޭފުޅުންގެ ތެރެއިން ބޭފުޅެކެވެ. އަދި އޭނާ އަކީ ސޯޝަލް މީޑިއާގައި އެމްޑީޕީގެ ސިޔާސީ ހަރަކާތް ހިންގެވުމުގައި ކުރިންސުރެ ހިނގާ ނަމެކެވެ.