މަގުބޫލު ޓޫރިޒަމް އެވޯޑް، ސަޓާ އަށް ހުޅުވާލައިފި
އެވޯޑަށް ކުރިމަތިލުމުގެ ފުރުސަތު އެޕްރީލް 10 ގެ ނިޔަލަށް އޮންލައިންކޮށް އޮންނާނެ އެވެ. ހައިރައިޒްގެ މި އެވޯޑު ހާއްސަ ވަނީ ދެކުނު އޭޝިއާގެ ޓޫރިޒަމަށެވެ.
ދެކުނު އޭޝިއާގެ ގައުމުތަކުގެ ޓޫރިޒަމް ސިނާއަތަށް ދޭ އެންމެ ޝަރަފުވެރި އެއް އެވޯޑް ކަމަށްވާ ސައުތު އޭޝިއަން ޓްރެވަލް އެވޯޑް (ސަޓާ) ގައި ބައިވެރިވާން ހުޅުވާލައިފި އެވެ.
ރާއްޖޭގެ ހައިރައިޒް ކުންފުނިން އިންތިޒާމު ކުރާ ސަޓާ އެވޯޑް ބޭނުންވާ ޓޫރިޒަމް ސިނާއަތުގެ ފަރާތްކަށް ނަން ހުށަހަޅަން ހުޅުވާލައި އެ ކުންފުން ބުނީ ދެކުނު އޭޝިއާގެ ޓޫރިޒަމް ވިޔަފާރި ކުރާ ފަރާތްތަކުން އިންތިޒާމު ކުރަމުން ގެންދާ މި އެވޯޑަށް ނަން ހުށަހެޅުމުގެ ފުރުސަތު ހުޅުވާލާފައިވާ ކަމަށެވެ. ނޮމިނޭޓް ކުރުމުގެ ފުރުސަތު އެޕްރީލް 10 ވަނަ ދުވަހުގެ ނިޔަލަށް އޮންލައިންކޮށް އޮންނާނެ އެވެ.
މި އެވޯޑު ދެނީ އެކި ގައުމުތަކުގެ 15 އަށްވުރެ ގިނަ ފަރާތުން އެންޑޯޒްކޮށް ނުވަތަ ބަލައިގަނެގެން އެ ފަރާތްތަކުގެ ބައިވެރިވުމާއެކުގަ އެވެ.
ސަޓާ އެންޑޯޒް ކޮށްފައިވާ ފަރާތްތައް
- 1.އެސޯސިއޭޝަން އޮފް ޕްރޮފެޝަނަލްސް އިން ޓޫރިޒަމް (އޭޕީޓީ)
- 2.އެސޯސިއޭޝަން އޮފް ޓޫރިޒަމް ޓްރޭޑް އޮގަނައިޒޭޝަންސް، އިންޑިއާ (އޭޓީޓީއޯއައި)،
- 3.އެސޯސިއޭޝަން އޮފް ޓްރެވަލް އޭޖެންޓްސް (އޭޓީއޭ)
- 4.ކޮލަމްބޯ ޗެމްބަރ އޮފް ކޮމާސް (ސީސީސީ)
- 5.ކޮންފެޑެރޭޝަން އޮފް އެކްރެޑިޓެޑް ޓުއާ އޮޕަރޭޓަރސް (ސީއޭޓީއޯ)
- 6.ފެޑެރޭޝަން އޮފް ޗެމްބަރސް އޮފް ކޮމާސް އެންޑް އިންޑަސްޓްރީ އޮފް ސްރީލަންކާ (އެފްސީސީއައިއެސްއެލް)
- 7.ހޮޓެލް އެންޑް ރެސްޓޯރެންޓް އެސޯސިއޭޝަން އޮފް ބޫޓާން (އެޗްއާރުއޭބީ)
- 8.ކެރެލާ ހޮޓެލްގެ ޖެނެރަލް މެނޭޖަރ ކްލަބް (ކޭއެޗްޖީއެމްސީ)
- 9.ނޭޝަނަލް ބޯޓިން އެސޯސިއޭޝަން އޮފް މޯލްޑިވްސް (އެންބީއޭއެމް)،
- 10.މޯލްޑިވްސް އެސޯސިއޭޝަން އޮފް ޓްރެވަލް އޭޖެންޓްސް އެންޑް ޓުއާ އޮޕަރޭޓަރސް (މަޓާޓޯ)
- 11.މޯލްޑިވްސް މާކެޓިންގ އެންޑް ޕީއާރު ކޯޕަރޭޝަން (އެމްއެމްޕީއާރުސީ)
- 12.ނޭޕާލް ޓޫރިޒަމް ބޯޑް (އެންޓީބީ)
- 13.ސްރީލަންކާ އެސޯސިއޭޝަން އޮފް އިންބައުންޑް ޓުއާ އޮޕަރޭޓަރސް (ސްލައިޓޯ)
- 14.ރާއްޖޭގެ ހޮޓެލްސް އެސޯސިއޭޝަން (ޓީ.އެޗް.އޭ.އެސް.އެލް)
- 15.ބަންގްލަދޭޝް އިންޓަނޭޝަނަލް ހޮޓެލް އެސޯސިއޭޝަން (ބީއައިއެޗްއޭ)
ސަޓާ އެވޯޑުގައި އަގު ވަޒަންކޮށް އެވޯޑުދޭ ދާއިރާތަކުގެ ތެރޭގައި ޓްރެވަލް އެޖެންސީތަކާއި ހޮޓާ އަދި ގެސްޓްހައުސްތަކުގެ އިތުރުން އެއާލައިންތަކާއި މަންޒިލްތައް ހިމެނެ އެވެ. މި އެވޯޑު ދިނުމުގައި ޖަޖުންގެ ގޮތުގައި ބައިވެރިވަނީ ޓޫރިޒަމް ދާއިރާގެ އެންމެ ޕްރޮފެޝަނަލް އެކްސްޕާޓުންގެ ޓީމަކުންނެވެ.
ކޮމެންޓް
Republic of Maldives