"ދިވެހިން ތިބީ ޑިމޮކްރަސީގެ ހެޔޮ ވަކިވާ މިންވަރަށް ސިޔާސީ ގޮތުން ތަސައްރަފު ފުދިފަ"
ރައީސް ވިދާޅުވި ގޮތުގައި އާ އަހަރުގެ އަޒުމަކަށް ހަދަންވީ ކޮންމެ ކަމެއްގައި ވެސް، ސުލްހަ މަސަލަސްކަމާއި ހަމަޖެހުމާއި އެއްބައިވަންތަކަން އިސް ކުރާށެވެ.
އަޒުމަކަށް ހަދަވަންވީ ސުލްހަ އިސްކުރަން
ދިވެހިން މިއަދު ތިބީ ޑިމޮކްރަސީގެ ހެޔޮ ނުބައި ވަކިވާ މިންވަރަށް ސިޔާސީ ގޮތުން ތަސައްރަފު ފުދިފައި ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.
އާ އަހަރުގެ ތަހުނިޔާގެ ހިތޯބެއް އާންމު ކުރެއްވި އިރު ރައީސް އޭގައި ވިދާޅުވެފައި ވަނީ މި ފެށުނު އަހަރަކީ، ފައްކާވަމުން އަންނަ ދިވެހި ޑިމޮކްރެސީގެ ސިޔާސީ ހަޔާތުގައި ވެސް މުހިންމު ހރަކާތްތަކަކަށް އަލިވިލުނު އަހަރެއް ކަމަށެވެ.
"... މިއަދު ދިވެހިން ތިބީ ޑިމޮކްރަސީގެ ވެސް ހެޔޮ ނުބައި ވަކިވާ މިންވަރަށް ސިޔާސީ ގޮތުން ތަސައްރަފު ފުދިފައިކަމުން، ގައުމުގެ އެންމެ މަތީ މަސްލަހަތު ރައްކާތެރި ކުރެވޭނެ ގޮތަށް ސިޔާސީ ހަރަކާތްތައް ހިންގުމަކީ، ކުރިމަގުގެ ޖީލުތަކަށް އަދު ތިބީން ދައްކަން އޮތް އެންމެ ރީތި ނަމޫނާއެވެ." ރައީސްގެ އާ އަހަރު ހިތޯބުގައި ވެއެވެ.
އެ ހިތޯބުގައި ގައުމުގެ ސިޔާސީ އަދި އިޖްތިމާއީ މިސްރާބު ކަސިޔާރުވިޔަ ނުދިނުމަށް ދިވެހިންގެ ކޮނޑުގައި އެޅިފައިވާ އެންމެ މަތީ ޒިންމާއަކީ، ގައުމުގެ ހަމަޖެހުމާއި ސުލްހަ މަސަލަސްކަމަށް ބުރޫ ނާރާނެ ފަދަ ގޮތަކަށް، ޑިމޮކްރެސީގެ ހަރަކާތްތައް ކުރިއަށް ގެންދިއުންކަމުގައި ވެސް ވިދާޅުވެފައި ވެއެވެ.
މީގެ އިތުރުން އާ އަހަރުގެ އަޒުމަކަށް ހަދަންވީ ކޮންމެ ކަމެއްގައި ވެސް، ސުލްހަ މަސަލަސްކަމާއި ހަމަޖެހުމާއި އެއްބައިވަންތަކަން އިސްކޮށް، ބައިބައިވުމާއި ދެބަސްވުމާއި ދެކޮޅުވެރިކަމަށް ނޫނެކޭ ބުނެ ހިޔާލު ތަފާތުވުންތަކާ އެކުގައި ވެސް، ގައުމީ މަސްލަހަތަށް ބުރޫ އެރިޔަނުދީ، ސުލްހައިގެ މަގު އިބހުތިޔާރު ކުރަން ކަމަށް ވެސް ވިދާޅުވެފައި ވެއެވެ.
ކޮމެންޓް
Republic of Maldives