އެމްޓީސީސީ ބަސް ރޫޓްތަކަށް ބަދަލެއް
އާރްޓީއެލްގެ ހިދުމަތް ދޭ އެމްޓީސީސީ އިން ބުނި ގޮތުގައި ބަހުގެ ހިދުމަތުގައި ހިމެނޭ އޯކިޑް ރޫޓަށް މާދަމާއިން ފެށިގެން ބަދަލުތަކެއް ގެންނާނެ އެވެ.
ރާއްޖެ ޓްރާސްޕޯޓް ލިންކް (އާރްޓީއެލް) ބަހުގެ ހިދުމަތުގައި ހިމެނޭ ބައެއް ރޫޓްތަކަށް ބަދަލު ގެނެސްފި އެވެ.
އާރްޓީއެލްގެ ހިދުމަތް ދޭ އެމްޓީސީސީ އިން ބުނި ގޮތުގައި ބަހުގެ ހިދުމަތުގައި ހިމެނޭ އޯކިޑް ރޫޓަށް މާދަމާއިން ފެށިގެން ބަދަލުތަކެއް ގެންނާނެ އެވެ. އަދި އޯކިޑް ރޫޓަށް ގެންނަ ބަދަލާއެކު ބައެއް އެހެން ރޫޓްތަކަށް މިހާރު ކުރާ ދަތުރުތައް ހުއްޓާލާ އެވެ.
އެ ގޮތުން ބޮޑުތަކުރުފާނު މަގާއި މަޖީދީ މަގުގެ ބައެއް ރޫޓްތައް އުނިކުރާނެ އެވެ. އަދި ބޮޑުތަކުރުފާނު މަގާއި ކަނބާއައިސަރަނި ހިނގުމާއި އަމީނީ މަގަށް ބަސް ދަތުރުތައް ވަނީ އިތުރުކޮށްފައެވެ.
- ބޮޑުތަކުރުފާނު މަގު: ވެސްޓްޕާކް ބަސް ހުއްޓި (އުނިކުރެވިފައި)
- މަޖީދީމަގު: ސޯޝަލް ސެންޓަރު ބަސް ހުއްޓި (އުނިކުރެވިފައި)
- ބޮޑުތަކުރުފާނު މަގު: ދަރުމަވަންތަ ހޮސްޕިޓަލް ބަސް ހުއްޓި (އިތުރުކުރެވިފައި)
- ކަނބާއައިސަރަނި ހިނގުން: ސޯޝަލް ސެންޓަރު ބަސް ހުއްޓި (އިތުރުކުރެވިފައި)
- ކަނބާއައިސަރަނި ހިނގުން: އައިޖީއެމްއެޗް ބަސް ހުއްޓި (އިތުރުކުރެވިފައި)
- އަމީނީ މަގު: މާފަންނު ފެރީ ޓާމިނަލް ބަސް ހުއްޓި (އިތުރުކުރެވިފައި)
މާލޭގައި ބަހުގެ ހިދުމަތް ދޭން ފެށީ މިދިޔަ ސެޕްޓެންބަރު މަހުގެ ފަސްވަނަ ދުވަހު އެވެ. ހިދުމަތް ފެށީ ތެޔޮ އަޅައިގެން ދުއްވާ 18 ބަހާއެކު އެވެ.
މިހާރު ވަނީ އެ ހިދުމަތުގައި ބޭނުން ކުރަން އީވީ ބަސް، އިލެކްޓްރިކް ބަސްތަކެއް މާލެ ގެނެސްފައެވެ.
ކޮމެންޓް
Republic of Maldives