ރަޝިޔާގެ ތޮޔޮ ގަންނާނީ ފީފާއެއް 60 ޑޮރަކަށް ކަމަށް ކަނޑައަޅައިފި

ޔޫރަޕް ހިމެނޭ ގޮތަށް ބައެއް ގައުމުތަކަށް ތެލާއި ގޭސް ފޯރު ކޮށްދޭ އެންމެ ބޮޑު ގައުމު، ރަޝިއާގެ ތެޔޮ ދެން ގަންނާނެ އެންމެ މަތީ އަގަކީ ފީފާއަކަށް 60 ޑޮލަރު ކަމަށް އީޔޫއިން އަމިއްލައަށް އިސްވެ ކެޕް ކޮށްފި އެވެ.

ހަކަތަ ވިއްކައިގެން ޔޫކްރޭނާ ދެކޮޅަށް ކުރާ ހަނގުރާމައަށް ރަޝިޔާގެ ގާބިލްކަން ހުއްޓުވަން ކަމަށް ބުނެ އެމެރިކާ އަޑީގައި އޮވެގެން ވަނީ ބައިނަލްއަގްވާމީ ކެމްޕޭނެއް ފަށާފަ އެވެ. ގްރޫޕް އޮފް ސެވަން (ޖީ7) ގައުމުތަކާއި އޮސްޓްރޭލިއާ އަދި ޔޫރަޕިއަން ޔޫނިއަން އިން ރަޝިޔާގެ ސާފުނުކުރާ ތެލުގެ އަގު ފީފާއަކަށް 60 ޑޮލަރު ކަމަށް ކަނޑެޅީ އޭގެ ތެރެއިންނެވެ.

މި ނިންމުމަކީ ޔޫކްރޭން އާ ދެކޮޅަށް ރަޝިއާއިން ކުރަމުން ދާ ހަނގުރާމައަށް ހަރަދު ކުރަން ތެޔޮ ވިއްކައިގެން ހޯދާ ފައިސާ ބޮޑުތަނުން މަދު ކުރުމުގެ ނިޔަތެއް ލާފައިވާ ނިންމުމެކެވެ. މި ނިންމުމާ އެންމެ ބޮޑަށް އުފާވާނީ އެމެރިކާ އެވެ. އެމެރިކާއިން މިހާރު ވެސް ވަނީ މަރުހަބވާ ކިޔާފަ އެވެ.

އީޔޫގެ މެންބަރުންގ ގައުމުތަކުން މިކަމަށް އެއްބަސްވެ ނިންމި ނިންމުމާއެކު ރަޝިއާއަށް ލިބޭނެ ގެއްލުން ދެ ބިލިއަން ޑޮލަރަށް އުފުލިގެން ދާނެ އެވެ. މި ގޮތަށް 60 ޑޮލަރުގެ އެންމެ މަތީ އަގަކަށް ކެޕް ކުރި ނަމަވެސް ފީފާއަކަށް 30 ޑޮލަރާއި 40 ޑޮލަަރާ ދޭތެރޭ ހިފަހައްޓަން އީޔޫ ބޭނުންވެ އެވެ. އީޔޫއަށް އެ ގޮތަށް މުޅީން ނިންމުމުނު ނަމަ ރަޝިއާއަށް ލިބޭ ގެއްލުން ފަސް ބިލިއަން ޑޮލަރު ކްރޮސް ކުރާނެ އެވެ.

ބޯލްކަންގެ ބައެއް ގައުމަކާއި ސީދާ އީޔޫގެ ގައުމުތަކުން ރަޝިއާއިން ތެޔޮ ގަތުމުގައި ގޮތްތަކެއް ނިންމުމުން ރަޝިއާއިން ބުނިހާ ވެސް ވާހަކައަކީ ތެޔޮ ގަންނަ އަގު ކެޕް ކޮށްފި ނަމަ އެ ކަނޑައަޅާ ރޭޓުގައި ތެޔޮ ނުވިއްކާނެ ކަމަށެވެ. މި ނިންމުންތައް އަމިއްލައަށް ގެނެސްގެންފައިވާއިރު ބާޒާރުގައި މިވަގުތު ސާފު ނުުރާ ތެޔޮ ފީފާއެއް ހުރީ 85 އެމެރިކާ ޑޮލަރަށެވެ.

ހަނގުރާމާގައި ޔޫކްރައިންގެ ސިފައިންގެ 13،000 އަށް ވުރެ ގިނަ މީހުން މަރުވެފައި ވެއެވެ. އަދި ޔޫކްރައިންގެ ބިމުގެ 15 ޕަސެންޓް ރަޝިއާއިން ވަނީ ހިފާފައެވެ. އޭގެ ތެރޭގައި ހާސަން އާއި ލުހާންސްކާއި ޒެޕްރޯޒިއާގެ އިތުރުން ޑޮނެސްކް ހިމެނެވެ.