ރޮބޮޓިކް ލެބެއް ހިމެނޭހެން ހުޅުމާލޭގައި ވިލާގެ ސްކޫލެއް
ވިލާއިން އަޅާނީ 761 ދަރިވަރުންގެ ޖާގައިގެ ސުކޫލެކެވެ. ހަ ފަންގިފިލާއަކަށް ހިމެނޭ ސުކޫލުގައި ޖުމްލަ 20 ކްލާސް ރޫމް ހުންނާނެ އެވެ. މި ސުކޫލު ވިލާއިން ތަރައްގީ ކުރާނީ ރޮބޮޓިކް ލެބެއް ހިމެނޭ ގޮތަށެވެ.
ހުޅުމާލޭގައި ސުކޫލެެއް އިމާރާތް ކުރަން ވިލާ ކުންފުނީގެ -- ވިލާ އެޑިއުކޭޝަނަލް ސާވިސަސްއަށް މިއަދު ހަވާލުކޮށްފި އެވެ.
ހުޅުމާލޭގެ ބެލެނިވެރިކަން އޮތް ހުޅުމާލެ ޑިވެލޮޕްމަންޓް ކޯޕަރޭޝަން (އެޗްޑީސީ) އިން ބުނީ ވިލާ އެޑިއުކޭޝަނަލް ސާވިސަސްއާ ސުކޫލެއް އަޅަން ހަވާލުކުރީ ހުޅުމާލެ ފުރަތަމަ ފޭސްގައި ކަމަށެވެ. ވިލާއިން އަޅާނީ 761 ދަރިވަރުންގެ ޖާގައިގެ ސުކޫލެކެވެ.
މިއަދު އޮތް ރަސްމިއްޔާތެއްގައި އެއްބަސްވުމުގައި އެޗްޑީސީގެ ފަރާތުން ސޮއިކުރެއްވީ ކުންފުނީގެ މެނޭޖިން ޑިރެކްޓަރު އަހްމަދު އާތިފް އެވެ. އެޑިއުކޭޝަނަލް ސާވިސަސް އިން ވިލާ ކޮލެޖުގެ ރެކްޓަރު އަހްމަދު އަންވަރު އެވެ.
ހަ ފަންގިފިލާއަކަށް ހިމެނޭ ސުކޫލުގައި ޖުމްލަ 20 ކްލާސް ރޫމް ހުންނާނެ އެވެ. މި ސުކޫލު ވިލާއިން ތަރައްގީ ކުރާނީ ރޮބޮޓިކް ލެބެއް ހިމެނޭ ގޮތަށް ކަމަށް އެޗްޑީސީން ބުންޏެވެ.
އެޗްޑީސީން ބުނި ގޮތުގައި ހުޅުމާލޭގައި ފެންވަރު ރަނގަޅު ސުކޫލެއް އިމާރާތް ކުރެވުމުގެ އިތުރުން ވިލާ ސުކޫލާއެކު އެތައް ވަޒީފާތަކެއް އުފެދިގެން ދާނެ އެވެ.
ވިލާ އެޑިއުކޭޝަނަލް ސާވިސަސް އިން މިހާރުވެސް ދަނީ މާލޭގައި ކޮލެޖަކާއި ހައި ސުކޫލެއް ހިންގަމުންނެވެ. ވިލާ ފާހަގަ ކުރެވިފައިވަނީ ވަރަށް ފެންވަރު ރަނގަޅު ތައުލީމެއް ދޭ މުއައްސަސާއެއްގެ ގޮތުގައެވެ.
ކޮމެންޓް
Republic of Maldives