ރަނގަޅު ވާދައަކަށް ފަހު ނެދަލޭންޑްސްއިން ސެނެގޯލް ބަލިކޮށްފި

ކުރިން ވެސް ހީކުރެވިފައިވާ ގޮތަށް މުޅި މެޗް ވެސް ދެ ގައުމު ފެނުނީ ވަރަށް ވާދަވެރި ވަރަށް އެގްރެސިވްކޮށެވެ. ދެ ފުރުސަތެއް ހޯދައި ނެދަލޭންޑް މޮޅުވީ އެވެ.

ނެދަލޭންޑްސް އަށް ލަނޑު ޖަހައިދީން ކޮޑީ ގަޕޯ އޭނާގެ ސެލެބްރޭޝަންގައި

ވޯލްޑް ކަޕް ގްރޫޕް އޭގައި އެންމެ ވާދަވެރި ދެ ގައުމު ކަމަށްވާ އެފްރިކާގެ ސެނަގޯލް އާއި ޔޫރަޕްގެ ނެދަލޭންޑްސް ބައްދަލު ކުރި މެޗް 2-0 ގެ ނަތީޖާއަކުން މޮޅު ވެގެން ނެދަލޭންޑްސް މޮޅުވެއްޖެ އެވެ.

ގަތަރުގެ އަލް ސުމާމާ ސްޓޭޑިއަމްގައި މެޗު ފަށައިގެން ދެ ޓީމުން ވެސް މަސައްކަތް ކޮށްފައި ވަނީ އެޓޭކިން ފުޓްބޯޅައެއް ކުޅެ އަވަހަށް ލަނޑެއް ޖަހާށެވެ. ދެ ޓީމަށް ވެސް ލަނޑު ޖަހާނެ ފުރުސަތުތައް ތަނަވަސްވެފައި ވެއެވެ. އަދި ދެ ޓީމުގެ ކުޅުން ވެސް ފެނުނީ ވަރަށް ވަރުގަދަ ކޮށެވެ.

މި ހާފުގައި ނެދަލޭންޑުން ގޯލާ އަމާޒުކޮށް ފަސް ހަމަލާއެއް ދިން އިރު ސެނެގޯލުން ވަނީ ހަ ހަމަލާ ފޮނުވާލާ ގޯލަށް ނުރައްކާކޮށްފަ އެވެ. ކުރިން ވެސް ހީކުރެވިފައިވާ ގޮތަށް މުޅި މެޗް ވެސް ފެނުނީ ވަރަށް ވާދަވެރި ވަރަށް އެގްރެސިވްކޮށެވެ. ނަމަވެސް މެޗްގެ އޮއިވަރުގެ ކޮންޓްރޯލް ބޮޑަށް ބުރެވެފައި އޮތީ ނެދަލޭންޑް ކޮޅަށެވެ. ފުރަތަމަ ހާފުގައި ދެ ޓީމުގެ ވެސް ޑިފެންސް ލައިންގެ ވަރުގަދަކަން ހާއްސަކޮށް ސެނެގޯލްގެ ކްލިބާލީ އާއި ނެދަލޭންޑްގެ ވެންޑައިކްގެ ސޮލިޑް ޕާފޯމަންސް ފެނިގެން ދިޔަ އެވެ.

ފަހު ހާފުގައި ވެސް ފެނުނީ އެއްވާނެއްގައި ކުޅުނު އަވަސް އެކަމަކު ޑިފެންސަށް ފާރާވެރިވެ ކައުންޓާގައި ހަމަލާ އުފައްދަން އިސްކަން ދީގެން ދެ ޓީމުންވެސް ކުޅުނުތަނެވެ. ސެނެގޯލް ގިނަ އަދި ނުރައްކާތެރި ހަމަލާތަކެއް ދިން އިރު ނެދަލެންޑުން ވެސް ދޫދީފައެއް ނުވެއެވެ.

މެޗުގެ ހަމަ އެކަނި ލަނޑު އަދި ނެދަލޭންޑްސް މޮޅުކޮށް ދޭން ފުރަތަމަ ލަނޑެއް ޖަހާފައި ވަނީ ފަހު ހާފުގައި އޮން ޓާގެޓަށް ޖެހި ފުރަތަމަ ބޯޅައިންނެވެ. އެއީ 84 ވަނަ މިނެޓްގައި ކޮޑީ ގަޕޯ ޖަހައިދިން ލަނޑެކެވެ. ލަނޑަށް ފަހު މެޗްގެ އޮއިވަރު ވަރަށް ބޮޑަށް ބަދަލުވެފައި ވަނިކޮށް ލިބުނު ރަނުގެ ފުރުސަތެއްގައި ނެދަލޭންޑްސް އިން ދެވަނަ ލަނޑެއް ޖެހީ އިތުރު ވަގުތުގެ ތެރޭގަ އެވެ. އެއީ ފަހު ހާފުގައި ދަނޑަށް ނެރުނި ޑެވީ ކްލާސަން އެވެ.

ސެނެގޯލަށް ލިބުނު ފުރުސަތުތައް ނާކާމިޔާބުވީ ނަސީބު އެހީ ނުވުމާއެކު ނެދަލޭންޑްސްގެ ކީޕަރުގެ ހުޝިޔާރު ކަމުންނެވެ. ފަހު ހާފުގައި ސެނެގޯލަށް ދިމާވި އެންމެ ބޮޑު މައްސަލައަކީ މެދުތެރެ އާއި ޑިފެންސިވް ފާރުގައި މުހިންމު ރޯލެއް އަދާ ކުރަމުން ދިޔަ ކޮޔާޓޭ އަށް އަނިޔާވެގެން ބާލަން ޖެހުމެވެ،

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.