ނިރުފެހީގެ އަލިފާން: ހާލުގައި ޖެހުނު މީހުނަަށް 95،000 ހަރަދުކޮށްފި

ރޭ މާލެ ސިޓީގައި ހިނގި ނުރައްކާތެރި އަލިފާނުގެ ހާދިސާގެ ސަބަބުން ހާލުގައި ޖެހުނު މީހުންނަަށް އެހީވުމަށް އެހީވުމަށް މިހާތަނަށް 95،000 ވުރެ ގިނަ ރުފިޔާ ހަރަދު ކޮށްފައިވާ ކަމަށް ކަމަށް މޯލްޑިވްސް ނޭޝަނަލް ޑިޒާސްޓާ މެނޭޖްމެންޓް (އެމްޑީއެންއޭ) އިން ބުނެފި އެވެ.

އެމްޑީއެންއޭ އިން ބުނީ ހާދިސާގެ އަސަރުކޮށްގެން ހަތަރު ގޭބީސީއެއްގެ 35 ދިވެހީންނާއި ހާދިސާ ހިނގި އިމާރާތުން ސަލާމަތް ކުރި 28 ބިދޭސީން ހިމެނޭހެން 33 ބިދޭސީއަކު ރަޖިސްޓްރީ ކޮށްފައިވާ ކަމަށެެވެ. އޭގެ ތެރޭގައި ހަތް ކުޑަކުދީން ހިމެނެއެވެ.

އަދި ހަ ގޭބީސީއެެއްގެ 29 މީހަކަށް ފަސް ގެސްޓްހައުސް އަކުން ވަގުތީ ބޯހިޔާވަހިކަން ދީފައިވާ ކަމަަށެވެ. މީގެ އިތުުރުން 15 ދިވެހީންނާއި 14 ބިދޭސީންނަށް ވަގުތީ ބޯހިޔާވަހިކަން ދީފައިވާ ކަމަށާ އޭގެ ތެރޭގައި ހަ ކުޑަކުދީންވެސް ހިމެނެ އެވެ.

އެމްޑީއެންއޭ އިން ބުނީ ބޯހިޔާވަހިކަން ގެއްލިފައިވާ 19 ބިދޭސީންނަށް އެ މީހުންގެ ބަލަދުވެރީން ބޯހިޔާވަހިކަން ދީފައިވާ ކަމަށެވެ.

މި މީހުންނަށް އިންސާނީ އެހީގެ ގޮތުގައި ފުރަތަމަ ފޭސްގައި ފުރަތަމަ ފަސް ދުވަހަށް ބޯހިޔާވަހިކަމަށް 33،500 ރުފިޔާ އަދި އަންނައުނު ނެތް މީހުންނަށް އަންނައުނު ފޯރިކޮށް ދިނުމަށް 19،000 ވަނީ ހަރަދު ކޮށްފައެވެ. އަދި ކެއިން ބުއިމަށް 29،000 ރުފިޔާ އާއި އޮޕަރޭޝަން ހަރަދުގެ ގޮތުގައި 2،6333 ރުފިޔާ ހަރަދުކޮށްފައިވެއެވެ. މިހާތަނަށް 90،133 ރުފިޔާ ހަރަދު ކޮށްފައިވާ ކަމަށް އެމްޑީއެންއޭ އިން ބުންޏެވެ.