ސަލްމާން މިސްކިތުގެ މިންބަރަށް އަރާ އަޑުގަދަކޮށްފި

ސަލްމާން މިސްކިތުގެ މިންބަރަށް އަރާ މީހަކު އަޑުގަދަ ކުރި މީހަކު ހައްޔަރު ކޮށްފި އެވެ.

ފުލުހުން ބުނީ މިއަދު މެންދުރު 12:24 އެހާކަންހާއިރު އުމުރުން 43 އަހަރުގެ ދިވެހި ފިރިހެނަކު އެ މިސްކިތުގެ މިންބަރަށް އަރައި އަޑުގަދަ ކުރި ކަމަށާއި އެ މީހާ ހައްޔަރުކޮށް ބަލަން ޖެހޭ ކަންކަން ބަލަމުން ގެންދާ ކަމަށެވެ.

މީހުންގެ ސަފުތަކުގެ ތެރެއިން ގޮސް މިންބަރަށް އެރި އެމީހާ ހުރީ އިސްލާމިކް ސްޓޭޓްގެ ލޯގޯއެއް ޖެހި ޖުއްބާއެއް ލައިގެނެވެ. އެނާ މިންބަރުގައި އަޑު ގަދަ ކުރި ހަތިމެއް ހިފައިގެން ހުރި ފާތިހާ ސޫރަތް ކިޔެވުމަށް ފަހު އެވެ.

އެހެން މިސްކިތްތަކާ ހިލާފަށް ސަލާމާން މިސްކިތުގެ މިންބަރަށް އެރެނީ ހާއްސަ ދޮރަކުން ވަދެގެން ގޮހެވެ. އެ ދޮރުތަކުގެ ކޮންޓްރޯލް އޮންނަނީ މިސްކިތުންގެ އިމާމުންގެ ޓީމަށެވެ. އެ މީހާ އެ މިންބަރަށް އެރުނު އިރު، އެ ގަޑި އަކީ ހުކުރު ނަމާދަށް ރާއްޖޭގެ އެންމެ ބޮޑު އެ މިސްކިތް މުޅީން ފުރިފައި އޮންނާނެ ވަގުތެވެ. ހުކުރު ހުތުބާ ފަށަނީ 12:35 ގައެވެ.

ބައެއް މީހުން ބުނި ގޮތުން ނަމަ އެ މީހާއަކީ ސިކުނޑީގައި އުނި ކަމެއް ހުންނަ މީހެކެވެ. އެނާ މިންބަރުން ބޭލީ މިސްކިތުން ބަޔަކު ގޮހެވެ.