ބަންކަރިން އިން އުންމީދީ ނަތީޖާ ފެނޭ، މަސައްކަތް ޓާގެޓަށް ދޭ
ސައީދު ވިދާޅުވި ގޮތުގައި ބަންކަރިންގެ ގާނޫނެއް ހެދުމުގެ މަސައްކަތް ކުރާއިރު މި އަހަރު ހޯރަފުށި ސަރަހައްދުގައި ބަންކަރިން ބަނދަރުގެ އަމަލީ މަސައްކަތް ފަށަން މަސައްކަތްތަކެއް ދަނީ ކުރަމުންނެވެ.
ރާއްޖޭގައި ފެށި ފްލޯޓިން ބަންކަރިންގެ މަސައްކަތުގައި އުންމީދީ ނަތީޖާ ތަކެއް ފެންނަމުންދާ ކަމަށާ އެ މަަސައްކަތް ޓާގެޓް ކުރިއަށް ގޮތަށް ކުރިއަށްދާ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
ރާއްޖޭގައި ބަންކަރިން ފެށުމުގެ ވާހަކަ ދައްކާތާ 40 ހަކަށް އަހަރުފަހުން މި ސަރުކާރުގެ ފެށި ބަންކަރިންގެ ވިޔަފާރިއާ ބެހޭ ގޮތުން ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި އިކޮނޮމިކް މިނިސްޓަރު ސައީދު ވިދާޅުވި ގޮތުގައި ސަރުކާރުން މަސައްކަތް ކުރަނީ ރާއްޖެ އަށް ފައިދާއެއް ލިބެން އޮތް އަދި ކުރިން ނުފެށި ހުރި ކަންކަން ފަށައިގެން ކުރިއަށް ގެންދަން ކަމަށާ، ބަންކަރިންއަކީ ވެސް އެގޮތަށް ފަށައިގެން ފުޅާ ކުރަމުން ގެންދާ ވިޔަފާރިއެއް ކަމަށެވެ. އަދި އެ ވިޔަފާރި ފެށީ ބަނދަރެއް ނެތި ފްލޯޓިންކޮށް ނަމަވެސް ރޭވިގޮތަށް ކުރިއަށްދާކަމުގެ ޔަގީންކަން މިނިސްޓަރު ދެއްވި އެވެ.
"މި މަސައްކަތް ހަވާލުކުރީ އެސްޓީއޯއަށް. އުންމީދީ ރަނގަޅު ނަތީޖާއެއް ލިބެމުން އެބަދޭ. ޓާގެޓް ކުރިގޮތަށް ކުރިއަށްދޭ. އުތުރުގައި ޕޯޓެއް ނެތް. އަޅުގަނޑުމެން ހުއްޓިގެން މި ތިބެނީއެއް ނޫން. ބަންކަރިން މަސައްކަތުގައި އުޅޭ ފަރާތްތަކާ އެބަ ބައްދަލު ކުރަން،" ސައީދު ވިދާޅުވި އެވެ.
މިނިސްޓަރު ވިދާޅުވި ގޮތުގައި އިންޓަނޭޝަނަލް ބަންކަރިންއާ ބެހޭ ގާނޫނެއްވެސް ހަދަމުންދާ ކަމަށާ މިއާއެކު ބަންކަރިން ވިޔަފާރީގެ ބަނދަރުތަކާއި ވަސީލަތް ގާއިމް ކުރުމުގެ މަސައްކަތްތައް ވެސް ކުރަމުން ގެންދާ ކަމަށެވެ.
"މި އިންފްރާސްޓްރަކްޗާ އަށް ފައިދާ ހޯދުމުގެ މަސައްކަތް ވެސް ކުރިއަށް އެބަދޭ. އިރާދުކުރެއްވިއްޔާ މި އަހަރުތެރޭގައި މަސައްކަތް ފެށުމަކީ ޓާގެޓެއް،" ސައީދު ވިދާޅުވި އެވެ.
ކޮމެންޓް
Republic of Maldives