ޒަކާތު ފަންޑުން ދޭ 50 ސްކޮލަޝިޕަށް ހުޅުވާލައިފި

ޒަކާތު ފަންޑުން މަތީ ތައުލީމު ހާސިލުކުރުމަށް ދޭ 50 ސްކޮލަޝިޕް ފުރުސަތަށް ކުރިމަތި ލުމަށް މިއަދު ހުޅުވާލައިފި އެވެ.

މި 50 ފުރުސަތުގެ ތެރޭގައި ރާއްޖޭގައި ކިޔަވަން 20 ފުރުސަތު ހުޅުވާލެވުނުއިރު، ރާއްޖެއިން ބޭރުން 30 ފުރުސަތަކަށް ވަނީ ހުޅުވާލާފަ އެވެ. ރާއްޖެއިން ބޭރަށް ހުޅުވާލާފައިވާ 30 ފުރުސަތުގެ ތެރެއިން 13 ފުރުސަތަކީ މަތީ ތައުލީމު ހާސިލްކުރުމަށްދޭ ހާއްސަ ސްކޮލަޝިޕްގެ ފުރުސަތެވެ.

އިސްލާމިކް މިނިސްޓްރީ އިން ބުނީ ރާއްޖެއިން ފުރުސަތު ހުޅުވާލެވުނީ ދިވެހިރާއްޖޭގެ ގައުމީ ޔުނިވާސިޓީން އަދި ދިވެހިރާއްޖޭގެ އިސްލާމީ ޔުނިވާސިޓީގެ މާސްޓާސް ޑިގްރީ ކޯސްތަކަށް ކަމަށެވެ. މި ޔުނިވާސިޓީތަކުން ސްކޮލަޝިޕްގައި މާސްޓާސް ހެދޭނެ ދާއިރާތަކަކީ؛

މިނިސްޓްރީ އިން ބުނީ ރާއްޖެއިން ބޭރުން ކިޔެވުމަށް 30 ފުރުސަތު ހުޅުވާލެވިފައިވަނީ މެލޭޝިއާ، ބުރުނާއީ ސައުދީ އަރބިއްޔާ، މިސްރު އަދި ސާކް ގައުމުތަކުން ކަމަށެވެ. 

މެލޭޝިއާ އަދި ބުރުނާއީގައި ކިޔަވަން ސްކޮލަޝިޕް ދޭ ދާއިރާތަކަކީ؛

ޝަރީއާ، އަލްގަޟާ، ތަފްސީރު، ހަދީޘް، އުލޫމުލް ގުރުއާން، އަރަބި، އުސޫލުއްދީން، އިސްލާމީ މާއްދާތައް ހިމެނޭހެން ކިޔަވާ އެހެނިހެން ދާއިރާތަކުން ތައުލީމު ހާސިލްކުރާ ދަރިވަރުންނަށް، އެ ދަރިވަރަކު ތައުލީމު ހާސިލްކުރަމުންދާ މަރުކަޒުންދޭ ހަރަދުތައް ފިޔަވައި އެހެނިހެން ހަރަދުތައް ހަމަޖެއްސުމަށް (ސްޓައިޕްންޑް) 10 ފުރުސަތު ދޭ ގޮތަށް ހަމަޖެހިފައިވާ ކަމަށް މިނިސްޓްރީ އިން ބުންޏެވެ.

އަދި ސުޕަ ސްޕެޝަލައިޒޭޝަންގެ ޔޫރޮލޮޖީ / ޔޫރޮލޮޖިކަލް ސާޖަރީ، ޕީޑިއެޓްރިކް ނިއުރޮލޮޖީ އަދި ނިއުރޮލޮޖީ ކޮންމެ ދާއިރާއަކުން ފުރުސަތަކަށް ވަނީ ހުޅުވާލާފަ އެވެ. މިއީ ހާއްސަ 13 ފުރުސަތުގެ ތެރެއިން ސްކޮލަޝިޕް ދޭ ދާއިރާތަކެވެ.