މާލޭގެ ގަލޮޅުގައި ހުންނަ ގެއެއްގެ ވެރިފަރާތަށް ބަޔަކު ބިރުދައްކައި އިންޒާރު ދީފައިވާ މި މައްސަލައިގައި މި މީހުން ހައްޔަރުކޮށްފައި ވަނީ މިދިޔަ މަހުގެ އަށްވަނަ ދުވަހުގެ ރެއެވެ. އެމީހުން އިއްޔެއާ ޖެހެންދެން ތިބީ ކޯޓުން ބަންދުކޮށްފަ އެވެ.
މާލޭގެ ގެއެއްގެ ވެރިފަރާތަށް ބިއުދައްކައި، އެގެއަށް ވަދެ ގެއްލުން ދިން މައްސަލައިގައި ހައްޔަރު ކުރި ހަތަރު މީހުން ކްރިމިނަލް ކޯޓުން ދޫކޮށްލައިފި އެވެ.
މި މައްސަލައާ ގުޅިގެން ހައްޔަރުކޮށްފައި ވަނީ އއ. މާޅޮސް، ރީތިހިޔާ، މުހައްމަދު އަފްލާހް (23އ) އާއި ނ. ވެލިދޫ، އީލަސް، އިބްރާހިމް އަހްނަފް (21އ) އާއި ނ. މަނަދޫ، ހަވޭލި، މުހައްމަދު އަޒާން (23އ) އަދި ތ. ގުރައިދޫ، ފަޒާ، އަލީ ނަވާފް (21އ) އެވެ.
މާލޭގެ ގަލޮޅުގައި ހުންނަ ގެއެއްގެ ވެރިފަރާތަށް ބަޔަކު ބިރުދައްކައި އިންޒާރު ދީފައިވާ މި މައްސަލައިގައި މި މީހުން ހައްޔަރުކޮށްފައި ވަނީ މިދިޔަ މަހުގެ އަށްވަނަ ދުވަހުގެ ރެއެވެ. އެމީހުން އިއްޔެއާ ޖެހެންދެން ތިބީ ކޯޓުން ބަންދުކޮށްފަ އެވެ.
މީހުންގެ ބަންދާމެދު ގޮތެއް ނިންމަން އިއްޔެ ކޯޓަށް ހާޒިރު ކުރުމުން ވަނީ ދޫކޮށްލާފަ އެވެ. ކޯޓު އަމުރުތަކުގައިވާ ގޮތުން މައްސަލައިގައި ދައުވާ ކުރުމަށް މިހާރު އޮތީ ޕްރޮސެކިއުޓާ ޖެނެރަލްގެ އޮފީހަށް ފޮނުވާފަ އެވެ. ޕީޖީ އޮފީހުން ވަނީ އެމީހުން ޝަރީއަތް ނިމެންދެން ބަންދު ކޮށްދިނުމަށް އެދިފަ އެވެ.
ނަމަވެސް އަމުރުތަކުގައިވާ ގޮތުން، އެމީހުން ޝަރީއަތް ނިމެންދެން ބަންދު ކުރުމަށް އެކަށީގެންވާ ހެކި ގަރީނާ ޕީޖީ އޮފީހުގެ ފަރާތުން ހުށަހަޅާފަ އެއް ނުވެ އެވެ. އެހެންވެ، ކޯޓުން އެމީހުން ދޫކޮށްލާފައި ވަނީ ޝަރުތު ކުރުމަށްފަހު އެވެ.