ޣައްޒާގެ ސޫކްލަކަށާއި ބޭސް ގުދަނަކަށް އިޒްރޭލުން ދިން ހަމަލާ ރާއްޖޭން ކުށްވެރިކޮށްފި

"މިދަފަ ހަމަލާތަކަކީ ބައިނަލްއަގުވާމީ ގާނޫނާއި ބައިނަލްއަގުވާމީ އިންސާނިއްޔަތުކަމާބެހޭ ގާނޫނާ މުޅިން ހިލާފު އަމަލުތަކެއްކަން ފާހަގަކުރަމެވެ،" ބަޔާނުގައި ބުންޏެވެ.

ޣައްޒާއަށް އިޒްރޭލުން ދިން ވައިގެ ހަމަލާއެއްގައި ޝަހީދުވި މީހެއްގެ ހަށިގަނޑު ގެންދަނީ. --ފޮޓޯ: އޭއެފްޕީ

ފަލަސްތީނުގެ ޣައްޒާގެ ސްކޫލަކަށާއި ބޭސް ރައްކާކޮށްފައި ހުރި ގުދަނަކަށް، އިޒްރޭލުން ސިފައިން ބޮން އަޅައި، މައުސޫމް އެތައް ބަޔަކު ޝަހީދުކޮށްލުން، ރާއްޖޭން ކުށްވެރިކޮށްފި އެވެ. 

ފޮރިން މިނިސްޓްރީން ނެރުނު ބަޔާނެއްގައި ބުނީ، ޣައްޒާގެ ދާރުލް އަރްޤަމް ސްކޫލަށް އިޒްރޭލުން ސިފައިން ދިން ހަމަލާގައި، ކުށެއްނެތް އަންހެނުންނާއި ކުޑަކުދިން މަރުވެ އެތައް ބަޔަކު ޒަހަމްވެފައިވާ ކަމަށެވެ.

މީގެ އިތުރުން، ސައުދީ ސެންޓާ ފޯ ކަލްޗާ އެންޑް ހެރިޓޭޖުން ޣައްޒާގައި ހިންގާ ބޭސްފަރުވާއަށް ބޭނުންވާ ސާމާނު ރައްކާކުރާ ގުދަނަކަށް އިސްރާއީލުން ދިން ހަމަލާވެސް ދިވެހި ސަރުކާރުން ވަނީ ކުށްވެރިކޮށްފަ އެވެ.

"މިދަފަ ހަމަލާތަކަކީ ބައިނަލްއަގުވާމީ ގާނޫނާއި ބައިނަލްއަގުވާމީ އިންސާނިއްޔަތުކަމާބެހޭ ގާނޫނާ މުޅިން ހިލާފު އަމަލުތަކެއްކަން ފާހަގަކުރަމެވެ،" ބަޔާނުގައި ބުންޏެވެ.

އިޒްރޭލުން ހިންގާ މިފަދަ އަނިޔާވެރި އަމަލުތައް ވަގުތުން ހުއްޓުވައި، މި އަމަލުތަކަށް އިޒްރޭލު ޖަވާބުދާރީ ކުރުވައި، ޣައްޒާގެ ރައްޔިތުންގެ އަސާސީ ބޭނުންތައް ފުއްދުމަށް ބޭނުންވާ އެހީތެރިކަން ފޯރުކޮށްދިނުމަށް ބައިނަލްއަގުވާމީ މުޖުތަމައަށް ދިވެހިރާއްޖެއިން ގޮވާލާ ގޮވާލުން ތަކުރާރުކުރަމެވެ."

އެ ބަޔާނުގައި ބުނީ، މި މައްސަލައަށް ދެމެހެއްޓެނިވި އަދި އަދުލުވެރި ހައްލެއް ހޯދޭނީ 1967 ވަނަ އަހަރުގެ ކުރިން ކަނޑައެޅިފައި އޮތް އިންތަކުގެ މައްޗަށް ބިނާކޮށް، އިރުމަތީ ގުދުސްއަކީ ފަލަސްތީނުގެ ވެރިކަންކުރާ ރަށްކަމުގައި ކަނޑައަޅައި، މިނިވަން ދައުލަތެއް ގާއިމުކުރެވިގެން ކަމަށް ރާއްޖޭން ދެކޭ ކަމަށެވެ.

މިދިޔަ ޖެނުއަރީ މަހުގެ 19 ވަނަ ދުވަހުން ފެށިގެން ސުލްޙައިގެ އެއްބަސްވުމަކަށް ޢަމަލުކުރަމުންދަނިކޮށް، އިޒްރޭލުން މި މަހުގެ 18 ވަނަ ދުވަހުން ފެށިގެން ވަނީ ޣައްޒާއަށް އަނެއްކާވެސް ޙަމަލާތައް ދޭން ފަށައިފަ އެވެ.

ޣައްޒާއަށް އެހީ ވެއްދުމުގެ މަގުތައް ބަންދުކޮށް، ދިރިއުޅެން ދަތިވާ މިންވަރަށް ޣައްޒާގެ ހާލަތި ނިކަމެތިކޮށް، އެ ސަރަހައްދު ދޫކޮށްދާން ފަލަސްތީނުގެ ރައްޔިތުންނަށް ދަނީ މަޖުބޫރުކުރުވަމުންނެވެ.

އަދި އެ ސަރަހައްދުތަކަށް އަތްގަދަކޮށް، އިސްތިއުމާރު ކުރުމުގެ އަމުރު ވެސް ޔަހޫދީ ދައުލަތުން ވަނީ އަސްކަރިއްޔާއަށް ދީފަ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.