"މިހާދިސާ ހިނގިއިރު ލޯންދުގައި ކެޕްޓަން އާއި 2 ކްރޫ އިން އަދި ކުޑަކުއްޖަކު ހުރި. ކްރޫއިންނަށް ކޮންމެވެސް ވަރަކަށް އަނިޔާވި ނަމަވެސް ބޮޑު އަނިޔާއެއް ލިބިފައެއް ނުވޭ،" ފުލުހުން ބުންޏެވެ.
މިއަދު ފަތިހު ރޯވެފައި ވަނީ "ކައެލް ވިންގް" ނަމަކަށް ކިޔާ ލޯންޗެއްގަ އެވެ. މި ލޯންޗަކީ އެރަށާއި، އެ އަތޮޅު ފެރިދޫ އަދި މާޅޮހާއި މާލެއާ ދެމެދު ދަތުރުކުރަމުން ދިޔަ ފެރީ ލޯންޗެކެވެ.
މި ހާދިސާއާ ގުޅޭ ގޮތުން ފުލުހުން ބުނީ ލޯންޗުގައި އަލިފާން ރޯވެފައިވަނީ ހެނދުނު 5:50 ހާއިރު ކަމަށެވެ. ލޯންޗުގައި ރޯވި އަލިފާން ނިއްވައިލީ ފުލުހުންނާއި ރަށު ކައުންސިލާއި އާންމުން ގުޅިގެން 6:26 ހާއިރު ކަމަށެވެ.
"މިހާދިސާ ހިނގިއިރު ލޯންދުގައި ކެޕްޓަން އާއި 2 ކްރޫ އިން އަދި ކުޑަކުއްޖަކު ހުރި. ކްރޫއިންނަށް ކޮންމެވެސް ވަރަކަށް އަނިޔާވި ނަމަވެސް ބޮޑު އަނިޔާއެއް ލިބިފައެއް ނުވޭ،" ފުލުހުން ބުންޏެވެ.
އަލިފާން ރޯވި ލޯންޗު، ބޭނުން ނުކުރެވޭ ވަރަށް އަނދައި، މިހާރު އަޑިއަށް ގޮސްފައިވާ ކަމަށް ވެސް ފުލުހުން ބުންޏެވެ. އަދި މިހާދިސާ ތަހުގީގު ކުރަމުންދާ ކަމަށް ވެސް ފުލުހުން ބުންޏެވެ.
މި ލޯންޗުގައި އަލިފާން ރޯވާން ދިމާ ސަބަބު ސާފެއް ނުވެ އެވެ. އެރަށުން މައުލޫމާތު ދިން މީހަކު ބުނީ ލޯންޗުގައި ރޯވިއިރު އޮތީ މާލެ ދިއުމަށް ތައްޔާރުވެފައި ކަމަށެވެ.
މި ހާދިސާއާ ގުޅޭ އެކި ވީޑިއޯތައް ވަނީ ސޯޝަލް މީޑިއާގައި އާންމުވެފަ އެވެ. ވީޑިއޯތަކުން ފެންނަ ގޮތުގައި މުޅި ލޯންޗުގައި ވަނީ ހުޅުގަނޑު ހިނފާފަ އެވެ.